________________
ಅಡ್ಕಸ್ ಎವಿವೇರ್ ತಂದು ಮೇಜಿನ ಮೇಲೆ ಕುಕ್ಕಿ ಹೋಗುತ್ತಾಳೆ. ಅಲ್ಲದೆ, ಇದು ಹೀಗೆಯೇ ಇನ್ನೂ ಮೂರು ದಿನ ಮುಂದುವರಿಯುತ್ತದೆ.
ಕಿಚಡಿ ತಿನ್ನುವಿರೋ, ಇಲ್ಲ ಹೋಟೆಲ್ ನಿಂದ
ಪಿಜ್ಜಾ, ತರಿಸಿ ತಿನ್ನುವಿರೋ?
- ಅಡ್ಕಸ್ಟ್ ಮಾಡಿಕೊಳ್ಳಲು ಬಾರದೆ ಇರುವವರು ಏನು ಮಾಡುತ್ತಾರೆ? ಹೆಂಡತಿಯೊಂದಿಗೆ ಜಗಳವಾಡುತ್ತಾರೆ ಅಲ್ಲವೇ? ಪ್ರಶ್ನಕರ್ತ: ಹೌದು. ದಾದಾಶ್ರೀ: ಹೌದಾ? ಯಾವ ಪಾಲುಗಾರಿಕೆಗಾಗಿ? ಹೆಂಡತಿಯೊಂದಿಗೆ ಏನು ಪಾಲು ಮಾಡಲು ಇದೆ? ಇರುವುದರಲ್ಲಿ ಇಬ್ಬರೂ ಸಹಭಾಗಿಗಳು.
ಪ್ರಶ್ನಕರ್ತ: ಗಂಡನಿಗೆ ಗುಲಾಬ್ ಜಾಮೂನ್ ತಿನ್ನಬೇಕಾಗಿದೆ. ಆದರೆ ಹೆಂಡತಿ ಕಿಚಡಿ ಮಾಡಿಬಿಡುತ್ತಾಳೆ. ಆಗ, ಅಲ್ಲಿ ಜಗಳವಾಗುತ್ತದೆ. ದಾದಾಶ್ರೀ: ಅಲ್ಲಿ ಜಗಳವಾಡಿದರೆ ಏನು ಗುಲಾಬ್ ಜಾಮೂನ್ ಬರುತ್ತದೆಯೇ? ಇಲ್ಲ, ಕಿಚಡಿಯನ್ನೇ ತಿನ್ನಬೇಕಾಗಿದೆ. ಪ್ರಶ್ನಕರ್ತ: ಆಮೇಲೆ ಹೊರಗೆ ಹೋಟೆಲ್ ನಿಂದ ಪಿಜ್ಜಾ ತರಿಸಲಾಗುತ್ತದೆ.
ದಾದಾಶ್ರೀ: ಹೌದಾ? ಹಾಗಾದರೆ, ನೀವು ಕೇಳಿದ್ದು ಹಾಗೆ ಉಳಿಯಿತು ಮತ್ತು ಅವಳು ಮಾಡಿದ್ದು ಹಾಗೆ ಉಳಿಯಿತು.ಈಗ ಪಿಜಾ ಬರುತ್ತದೆ ಅಲ್ಲವೇ? ನೀವು ಮೊದಲು ಕೇಳಿದ್ರೂ ಹೊರಟು ಹೋಯಿತು. ನೀವು ಹೀಗೆ ಮಾಡುವುದಕ್ಕಿಂತ ನಿಮ್ಮ ಹೆಂಡತಿಗೆ ಹೇಳಬಹುದಾಗಿತ್ತು, 'ನಿನಗೆ ಅನುಕೂಲವಾದಾಗ ಮಾಡು' ಎಂದು. ಅವಳಿಗೂ ಒಂದು ದಿನ ತಿನ್ನಬೇಕೆಂದೆನಿಸುತ್ತದೆ ಅಲ್ಲವೇ? ಅವಳು ಸಹ ಮಾಡಿದಾಗ ತಿನ್ನುತ್ತಾಳೆ ಅಲ್ಲವೇ? ಹಾಗಿರುವಾಗ, ನೀವು ಹೇಳಿ 'ನಿನಗೆ ಯಾವಾಗ ಆಗುತ್ತದೆಯೋ ಆ ದಿನ ಮಾಡು' ಎಂದು. ಆಗ ಅವಳು, 'ಇಲ್ಲ, ನೀವು ಯಾವಾಗ ತಿನ್ನಲು ಬಯಸುತ್ತೀರೋ, ಆಗಲೇ ಮಾಡುತ್ತೇನೆ' ಎನ್ನುತ್ತಾಳೆ. ಆಗ, ನೀವು 'ಗುಲಾಬ್ ಜಾಮೂನ್ ಮಾಡು' ಎಂದು ಹೇಳಿಬಿಡಿ. ನೀವು ಮೊದಲೇ ಗುಲಾಬ್ ಜಾಮೂನ್ ಮಾಡೆಂದು ಆಗ್ರಹಿಸಿದರೆ, ಅವಳು ಕಿಚಡಿಯನ್ನೇ ಮಾಡುತ್ತೇನೆಂದು ವಿರುದ್ಧವಾಗಿಯೇ ಹೇಳುತ್ತಾಳೆ. ಪ್ರಶ್ನಕರ್ತ: ಇಂತಹ ಭಿನ್ನಾಭಿಪ್ರಾಯಗಳನ್ನು ತಡೆಯಲು ಯಾವುದಾದರು ದಾರಿ ತೋರಿಸುತ್ತೀರಾ ?
