Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
Acha
૧૪
ગુજરાતના જૈનતીર્થો
શ્રી જિનેશ્વરસૂરિજી મહારાજના શિષ્યરત્ન શ્રી અભયદેવ મુનિ માત્ર ૧૬ વર્ષની કુમારવયે સૂરિપદે પ્રતિષ્ઠિત થયા. કર્મના પ્રતાપે આ સૂરિદેવ કુષ્ઠરોગના ભોગ બન્યા. આ વ્યાધિ ધર્મનિંદાનું કારણ બનતાં સૂરિદેવને ભારે વ્યથા થઈ. ત્યારે શાસનદેવીએ સૂરિદેવને પ્રત્યક્ષ દર્શન આપ્યાં અને સાંત્વન આપ્યું. તેમજ જણાવ્યું કે સેઢી નદીના કિનારે ખાખરાના વૃક્ષની નીચેની ભૂમિમાં શ્રી પાર્શ્વનાથ પ્રભુની દિવ્ય પ્રતિમાજી છે. તે પ્રતિમાજી પ્રગટ કરવા જણાવ્યું. શાસનદેવીએ તે પ્રતિમાજીનો ઈતિહાસ જણાવ્યો તેમ જ નવ અંગોની ટીકા રચવા વિનંતી પણ કરી.
શાસનદેવીના કથન મુજબ શ્રી અભયદેવસૂરિ સંઘ સહિત સેઢી નદીના કિનારે આવ્યા. ત્યાં સૂરિદેવે ૩૨ શ્લોક પ્રમાણ જયતિહુઅણ સ્તોત્રની રચના કરી. શ્રી સ્તંભન પાર્શ્વનાથની દિવ્ય અને અલૌકિક પ્રતિમાજીને પ્રગટ કરી. આ પ્રતિમાજીના સ્નાત્રજળથી સૂરિદેવનો કુષ્ઠરોગ ક્ષણવારમાં નષ્ટ થયો. શ્રી ધરણેન્દ્રદેવના સૂચનથી સૂરિદેવે સ્તોત્રની છેલ્લી બે ગાથાઓ ગોપવી દીધી.
શ્રીસંઘે સેઢી નદીના કિનારે સ્તંભનપુરમાં નૂતન જિનાલય બંધાવીને શ્રી અભયદેવસૂરિદેવના વરદ હસ્તે શ્રી સ્તંભન પાર્શ્વનાથ પ્રભુની જિનાલયમાં પ્રતિષ્ઠા કરાવી. આ ઘટના ૧૧મા સૈકામાં બની હતી. સૂરિદેવે પ્રતિમાજીના દિવ્ય પ્રભાવથી નવ અંગોની વૃત્તિઓ રચી.
| વિક્રમ સંવત ૧૩૬૮માં ચમત્કારિક, દિવ્ય એવી શ્રી સ્તંભન પાર્શ્વનાથજીની પ્રતિમાજીને ત્યાંથી સ્તંભન તીર્થમાં લાવવામાં આવી. ખંભાતનો સંઘ આ પ્રતિમાજીની હૈયાના ભાવ સાથે સેવાપૂજા-ભક્તિ કરવા લાગ્યો. આ રીતે સૈકાઓ પસાર થયા. પ્રતિમાજીની ભક્તો પૂજા-અર્ચના કરતા રહ્યાં.
સંવત ૧૯૫૨માં તારાપુરના સુવર્ણકાર (સોની) એ નીલમરત્નની આ પ્રતિમાજી ચોરી લીધી, પરંતુ સંઘના પ્રયત્નોથી સોની પકડાયો અને પ્રતિમાજી પુનઃ સંઘને પ્રાપ્ત થઈ.
For Private and Personal Use Only
| SR No. | 034163 |
| Book Title | Gujaratna Jain Tirtho |
| Original Sutra Author | N/A |
| Author | |
| Publisher | Navyug Pustak Bhandar |
| Publication Year | 2006 |
| Total Pages | 133 |
| Language | Gujarati |
| Classification | Book_Gujarati |
| File Size | 7 MB |