________________
પણ ચાલવા ચાલવામાં આસમાન-જમીનનો ફરક છે. પાછળ ચાલવામાં જિનશાસનની ગરિમા વધે છે. આગળ ચાલવામાં જિનશાસની ગરિમા સાવ જ ચૂંથાઈ જાય છે. એક બાજુ આપણે ઢોલ-નગારા-બેન્ડ-વાજા વગાડી વગાડીને આખા ગામનું ધ્યાન દોરીએ ને બીજી બાજુ એ બધાં જ પ્રેક્ષકોને દેખાડીએ કે “જુઓ-અમારા ગુરુભગવંતોની અમે આવી આમાન્યા જાળવીએ છીએ અમને એમના પ્રત્યે આવું સમ્માન છે.” पूजितपूजको हि लोकः જેમને સમ્માન મળતું હોય તેમનું લોકો સમ્માન કરે છે. આપણો અવિનય જોઈને લોકો એવું જ શીખવાના કે આ સંતોની કોઈ જ કિંમત નથી. આપણે જ આપણા ગુરુ ભગવંતોનો આદર નહીં કરીએ તો બીજા તો ક્યાંથી કરવાના છે. ઘણા ભાગ્યશાળીઓને ગુરુ ભગવંતો પાસે હાજરી પૂરાવવાની ભાવના હોય છે. તેથી તેઓ તેમને વંદના-શાતાપૃચ્છા કરવા માટે તેમની પાસે આવે, પછી તેમની સાથે સાથે જ ચાલવા માંડે
વરઘોડામાં જતાં પહેલાં
