Sagai Karta Pahela

SR No.: 034137
Original Sutra Author: N/A
Author: Priyam
Publisher: Ashapuran Parshwanath Jain Gyanbhandar
Publication Year: 2018
Total Pages: 36
Language: Gujarati
Classification: Book_Gujarati
File Size: 1 MB

Page 10

ચેનલ્સ જોયા કરે. બસ, મારે એવો જ પતિ જોઈતો હતો. રંગીન અને રસિક. ભલે ધરમ એને પાપી કહે. મારે તો જલસા જ કરવા હતા, ને એ આવા પતિથી જ શક્ય બને એવું હું માનતી હતી.
માનસી... અમારા મેરેજના પંદર-વીશ દિવસ પછીની વાત છે, એ રાતે બાર વાગે ઘરે આવ્યો. ત્યાં સુધી તો હું એની રાહ જોઈ જોઈને થાકી ગઈ હતી. મેં જોયું કે એની આંખો લાલઘુમ હતી. ને એના પગ લથડિયા ખાતા હતાં. હું એને હાથનો ટેકો આપીને બેડરૂમ સુધી લઈ ગઈ. ત્યાં તો એનું મોઢું ખુલ્યું ને ખૂબ ગંદી વાસ આવી. મારાથી બોલાઈ ગયું, “રિસી, તે દારુ પીધો છે ?” એણે મને જોરથી લાફો મારી દીધો. હું એકદમ હેબતાઈ ગઈ. હું તો ત્યાં જ બેસી પડી અને રડવા લાગી. એણે મારા વાળ પકડ્યા અને મને પગથી લાત મારતા મારતા મને ગંદી ગાળો સંભળાવવા માંડી. એ તો થોડી વાર પછી થાકીને સૂઈ ગયો, પણ હું આખી રાત રડતી રહી. માનસી, જેમ જેમ સમય જતો ગયો, તેમ તેમ તેના વ્યસનો, તેનો સ્વભાવ, તેની નિષ્ઠુરતા અને તેની કુટેવોની મને જાણ થતી ગઈ. માનસી, દર બે-ત્રણ દિવસે એ મને ખૂબ મારે છે... એનો ગુસ્સો તો ખરાબ છે જ. એનો પ્રેમ પણ ભયાનક છે... સિગરેટ અને કટર વિના એ મને યુઝ કરતો નથી. હું વેદનાથી ચીસ પાડી ઉઠું, એટલે એ એક્સાઈટેડ થઈ જાય છે, મારું મોત... એની મજા... માનસી... મારી સ્થિતિ એવી થઈ ગઈ છે, કે કોઈ લેડી ડોક્ટર પાસે જતાં પણ મને શરમ આવે છે.
માનસી, મેરેજના સેકન્ડ ઈયરે અમારે એક હોટલમાં પાર્ટીમાં જવાનું હતું. એ પાર્ટીમાં લગભગ ૧૫ કપલ આવવાના હતાં, ને એમાં શું થવાનું હતું, એનો અંદાજ મને આવી ગયો હતો. હું એના પગે પડી. મે ખૂબ ખૂબ રિક્વેસ્ટ કરી, બદલામાં મને મળી ગાળો અને ઢોર માર. મારે જવું પડ્યું. એની તગતગતી આંખોએ મને ડ્રીંક લેવા તો મજબૂર કરી જ... પણ...
રિયા ફરીથી ધ્રુસકે ધ્રુસકે રડી પડી. માનસીને બાકીની વાતનો અંદાજ આવી ગયો. કયાં શબ્દોમાં એને આશ્વાસન આપવું, એ એને સમજાતું ન'તું. રિયા થોડી શાંત થઈ ને એણે ફરી બોલવાનું ચાલું કર્યું. આજે કદાચ એને કશું બાકી ન'તું રાખવું.
2
૧૫
Before You Get Engaged
“માનસી, હું લૂંટાઈ ગઈ. એક ભવમાં કેટલા ભવ ! કેવું ડર્ટી ! કેટલું વિકૃત ! કેવા રાક્ષસ જેવા લોકો ! ને કેવી નરક જેવી પીડા !
માનસી, એક વાર રાતે હું જાગી ગઈ, ત્યારે એ લેપ-ટોપ પર ન જોવાનું જોઈ રહ્યો હતો. પોતાનો હસબન્ડ કોઈને એવી સ્થિતિમાં જોવે, એ કઈ સ્ત્રી બેર કરી શકે ? મેં એને લાગણીભર્યા અવાજે રિક્વેસ્ટ કરી, પ્લીઝ, આવું નહીં જો.’ તો એ મારા પર એકદમ ગુસ્સે થઈ ગયો. મને ગાળ આપી અને ગુસ્સામાં અને નશામાં એમ બોલી ગયો કે ‘તને આટલામાં તકલીફ થાય છે ? મેં તો આજ સુધીમાં...' મને ખ્યાલ આવી ગયો, અગ્નિની સાક્ષીએ એણે લીધેલા સોગંદ માત્ર એક મશ્કરી હતી.
માનસી, મને કોઈ ખોળાનો ખુંદનાર જોઈતો હતો, જેને લાડ લડાવતા હું મારા બધા દુઃખોને ભૂલી જાઉં, એક દિવસ મને ખ્યાલ આવ્યો કે હું પ્રેગ્નેન્ટ થઈ છું. મારી ખુશીનો કોઈ પાર ન રહ્યો. એના ઘરે આવતાની સાથે મેં એને ન્યુઝ આપ્યા. મને થયું કે એને આનંદ થશે. પણ એનો ફેસ તો ગંભીર થઈ ગયો. બીજા દિવસે એણે મને કહ્યું કે મારે મા બનવાનું નથી. મારા માથે આકાશ તૂટી પડ્યું ને પગ તળેથી ધરતી સરકવા લાગી. હું ચાર દિવસ સુધી એને કરગરતી રહી. પણ એ એકનો બે ન થયો. આ વખતે હું ય નમતું જોખવા ન'તી માંગતી. હું મારા સંતાનને શી રીતે ...?
એણે મારા પર ભયંકર જુલમ કરવાનું શરૂ કરી દીધું. પણ હું અડગ રહી. દશ દિવસ પછી એ મને મેડિકલ ચેક-અપ માટે ક્યાંક લઈ ગયો. ત્યાં મને બેભાન કરવામાં આવી ને જ્યારે હું ભાનમાં આવી, ત્યારે...
માનસી, બે વાર એબોર્શન થઈ ગયું છે, ને એના જે કોમ્પ્લીકેશન્સ થયા છે, એ મને જિંદગી સુધી પેઈન આપતા રહેશે.
હવે એ વાતે વાતે ડાયવોર્સની ધમકી આપે છે. એના વ્યસનોને કારણે બિઝનેસ પણ તૂટ્યો છે. મારા એક પછી એક ઘરેણાં એણે વેંચી દીધા છે. ને હવે મારા પિયરથી પૈસા મંગાવવા માટે મારા પર ટોર્ચરિંગ કરે છે. કોઈ દિવસ એવો નથી ગયો, કે જે દિવસે હું રડી ન હોઉં, ને જે દિવસે મેં સુસાઈડના વિચારો ન કર્યા હોય.
તમે સગાઈ કરો તે પહેલાં
榮
૧૬