________________
રાગ અને દ્વેષ એ બંને માથા વિનાના ભૂત જેવા છે. એ જ તને દુઃખ આપનારા છે.
જ્યારે તું એમને દૂર કરી દઈશ, ત્યારે તે વિશ્વનો પરમેશ્વર બની જઈશ. અનીશને છેલ્લામાં છેલ્લા - લેટેસ્ટ મોડલની ગાડી લેવી હતી. એક માત્ર ઘરને બાદ કરતા બીજી બધી જ સંપત્તિ એને ખરીદવા માટે લગાડી દીધી. હજી થોડા રૂપિયા ઓછા પડ્યા તો લોન લઈ લીધી. બધું ભેગું કરીને ગાડી લઈ આવ્યો, જાણે દુનિયાનું રાજ મળી ગયું હોય, એવા ગર્વથી પહેલો ચક્કર લગાવ્યો, નીચે ગાડી પાર્ક કરીને ઉપર આવ્યો, હાશ કરીને સોફા પર બેઠો. મનમાં ગાડી જ રમી રહી છે. ગેલેરીમાં જઈને ગાડીના દર્શન (!) કર્યા. ત્યાં જ મગજની કમાન છટકી.... સોસાયટીના છોકરાંઓ ગાડીને ઘેરી વળ્યા હતાં, બે ત્રણ બાળકો ફ્રન્ટ ગ્લાસ પર લસરપટ્ટીની રમત રમી રહ્યા હતાં... અનીશનું જાણે બધું જ લૂંટાઈ રહ્યું હોય, એમ એણે રાડારાડ કરી મૂકી, ન બોલવાના શબ્દો બોલી ગયો. એ પગ પછાડતો પછાડતો નીચે આવ્યો, ત્યાં સુધીમાં બધાં રફુચક્કર થઈ ગયા હતાં. ગાડીને ધૂળથી ખરડાયેલી જોઈને એની આંખોમાં ખૂન્નસ આવી ગયું. એ ફરી ઉપર ગયો. પોતું લઈ આવ્યો. ગાડીને સાફ કરી. વાંકો થઈ ગયેલો વાઈપર ને ઊંધો થઈ ગયેલો કાચ સીધો કર્યો. ઉછળી પડેલા એન્ટિનાને ફરી મ્યાન કરી દીધો. થોડી ક્ષણ એ ત્યાં જ
- 59 -
–
