Page Text
________________
સમય નક્કી કરી આપે છે. પછી સહજ તપ-આરાધના ચાલ્યા કરે છે... આત્માના પ્રદેશે પ્રદેશે નવપદ-સિદ્ધચક્રનો વાસ થઇ જાય. ક્ષણે ક્ષણે, પલે-પલે સિદ્ધચક્રનું ધ્યાન-રટન-અંતર જાપ ચાલુ થઇ જાય. જેના પ્રભાવે દુષ્ટ-મલિન કર્મો નિર્બળ બની ગયા હોય આ ભૂમિકા સાડા ચાર વર્ષે આવે. નવ ઓળી... જો વિધિપૂર્વક કરવામાં આવે તો આ તપ કર્મ તોડવા સમર્થ છે. સાડા ચાર વર્ષમાં નવ ઓળી કરવાથી આપણી આ ભૂમિકા આવે છે??? શ્રીપાલને આ ભૂમિકા આવી ગઇ, અને મોક્ષ નક્કી થઇ ગયો.
સિદ્ધચક્રની આરાધના અનાદિ કર્મચક્રને કાપે છે. સંસાર સંક્ષેપ કરી તે જ ભવમાં કે અલ્પભવમાં શાશ્વત સ્થાન અપાવે છે. આ ભૂમિકા આપણી નિયત થાય એટલે સમજવું કે, આપણો તપ પૂરો થયો.
નવપદની-સિદ્ધચક્રની ઓળીમાં પ્રતિક્રમણ-પૂજા-સ્નાત્રપૂજા કાઉસગ્ગ ખમાસમણ સાથીયા જાપ આયંબિલ કરી લીધું એટલે આપણે માની લીધું કે આરાધના થઇ ગઇ... પરંતુ આ બધી બાહ્યક્રિયા તો અત્યંતર ભાવોને ચાર્જ કરવા માટે છે... આટલી ક્રિયા-અનુષ્ઠાન કરી બાકીનો તમામ સમય તે-તે પદના ધ્યાનમાં રહેવાનું છે. ચિત્તને તે પદમય બનાવવાનું છે. સંપૂર્ણ એક દિવસ એક પદના ધ્યાનમાં જાય, પદના ગુણોનું ધ્યાન, પદના વર્ણનું ધ્યાન, મંત્ર જાપનું ધ્યાન આમ કોઇને કોઇ ધ્યાનના માધ્યમે અત્યંતર આરાધના-તપમાં પ્રવેશ કરવાનો છે. (જે આજે ભૂલાઇ ગયું છે) આ રીતે નવ દિવસ એક-એક પદનું ધ્યાન કરવાનું અને પારણાના દિવસે નવપદનું ધ્યાન કરવાથી ચાર્જ થયેલી આત્માની બેટરી ૬ મહિના કામ કરે. દર ૬ મહિને પુનઃ બેટરી ચાર્જ કરવાની એમ ૯ વખતે આત્મશક્તિને ચાર્જ કરી એટલે સદાય માટે આત્માની બેટરી ચાર્જ જ રહેવાની... આત્મા નવપદમય બની જાય. સંસારના ભાવોથી અલિપ્ત થઇ જાય. આરંભ-સમારંભના ભાવોથી સહજ મુક્ત બની જાય. શ્રીપાલની જેમ સિદ્ધચક્રના ધ્યાનમાં લીન થઇ જાય. સિદ્ધચક્ર સાથે ભવોભવનો સંબંધ બંધાઇ જાય. આત્માને પરમાત્મામય બનાવી આત્મામાં જ પરમાત્મ તત્ત્વને પ્રગટ કરાવે એટલે આ તપ પૂર્ણ થાય...
56
| SR No. | 034034 |
| Book Title | Shripal Katha Anupreksha |
| Original Sutra Author | N/A |
| Author | Naychandrasagarsuri |
| Publisher | Purnanand Prakashan |
| Publication Year | 2016 |
| Total Pages | 109 |
| Language | Gujarati |
| Classification | Book_Gujarati |
| File Size | 4 MB |