SearchBrowseAboutContactDonate
Page Preview
Page 64
Loading...
Download File
Download File
Page Text
________________ ૫) વધારે શું? શ્રીપાલને મળ્યું તે કે શ્રીપાલે જતું કર્યું તે?... નવપદ-સિદ્ધચક્રના પ્રભાવથી શ્રીપાલને ધન-સંપત્તિ, વૈભવ, રાજ્ય, પત્નીઓ વિગેરે કેટલું કેટલું મળ્યું તે શ્રીપાલ કથાના વાચકો શ્રોતાઓ કથકોને ખ્યાલ જ છે.. સંપત્તિ પ્રાપ્તિ અને વૈભવિક વાતોથી બાળ જીવોને (અધ્યાત્મ તરફ નહી વળેલા પુદ્ગલ પ્રેમી જીવોને) અન્ય કથાઓ કરતાં આ કથામાં વિશેષ રસ જાગે છે. પરંતુ શ્રીપાલ કથા એ માત્ર નવપદની આરાધનાથી મળતી સંપત્તિ વૈભવનું દર્શન કરાવનારી જ કથા નથી. થોડા ચિંતન દ્વારા ઉંડાણમાં જાવ તો... આવે કે શ્રીપાલને નવપદની આરાધનામાં મળ્યું તે વધારે હતું કે શ્રીપાલે મળતું કે મળી ગયેલું અનાસક્ત ભાવથી છોડી દીધેલું તે વધારે હતું? ખ્યાલ શ્રીપાલને કેટલું મળ્યું તે દેખાય છે, પરંતુ શ્રીપાલે ખરેખરી જરૂરીયાતના સમયે પણ કેટલું જતું કર્યું તે ક્યારેય વિચાર્યું છે? (૧) પોતાને સંપત્તિ પૈસાની અત્યંત આવશ્યકતા હતી. પોતાનું સામ્રાજ્ય મેળવવા સેના જોઇએ, સેના માટે પૈસા સંપત્તિ જોઇએ. શ્રીપાલ સંપત્તિ મેળવવા એકલવીર બની કમાવવા નીકળ્યો છે અને માર્ગમાં આવેલા જંગલમાં ગિરિ ઉપર બે સાધકોને શ્રીપાલના સાનિધ્યથી રસ સિદ્ધિ થઇ સાધકો તે રસસિદ્ધિ શ્રીપાલને આપવા તૈયાર થયા છે. છતાં... શ્રીપાલ વિચારે છે કે આ સાધકો કેટલા સમયથી મહેનત કરે છે, બીજાની મહેનતનું મારે ન લેવાય. જરા વિચારી જુઓ... ઉપકારની દૃષ્ટીએ અપાતી આ સુવર્ણ સિદ્ધિ શ્રીપાલે લઇ લીધી હોત તો... પોતે આખી જિંદગીમાં કેટલું સોનું બનાવી શકત? પોતાના જીવનની સઘળી સમસ્યા ટળી જાત છતાં ન સ્વીકાર્યું, છોડી દીધું. 47
SR No.034034
Book TitleShripal Katha Anupreksha
Original Sutra AuthorN/A
AuthorNaychandrasagarsuri
PublisherPurnanand Prakashan
Publication Year2016
Total Pages109
LanguageGujarati
ClassificationBook_Gujarati
File Size4 MB
Copyright © Jain Education International. All rights reserved. | Privacy Policy