Page Text
________________
રજૂ કરી, પરંતુ ગુરુદેવ શું કરે? સમય ન પાક્યો હોય, યોગ્ય ઉપાદાનવાળી
વ્યક્તિ ન હોય તો? સૂરિદેવને મયણાની સ્થિતિ અને તેની ગંભીર વાત કરતાં વિશેષ નજર તો ઉંબરની યોગ્યતા ઉપર જાય છે. મુનિસુંદરસૂરિ મ. સામુદ્રિક શાસ્ત્રના પારગામી છે, ભાવિ ભાવોના જ્ઞાતા છે, માટે તો મયણાના બોલ્યા પહેલાં ગુરુદેવે ઉંબરને નરરત્ન' કહી સંબોધ્યા છે. ગામે ગામ અને દેશ-દેશ ફરનાર ઉંબરને કોઈ ઓળખી ન શક્યું આજે એકાદ વ્યક્તિએ તો ઓળખી લીધા. રત્ન, ઝવેરીના હાથમાં જાય તો જ કિંમત અંકાય છે, બાકી તો કોણ કીંમત આંકી શકે, રત્નને ઝવેરી ન મળે ત્યાં સુધી રત્ન કાંઈ પોતાનો પ્રકાશ છુપાવતું નથી, ચમક તો એવી જ હોય છે. ઉંબરને ગુરુદેવ ન મળ્યા ત્યાં સુધી ગમે ત્યાં રખડતા રહ્યા પણ ગુણપ્રકાશ ક્યાંય છુપાયો નથી. ઝળહળતો જ રહ્યો. ઉંબર કહે છે, આત્મ ગુણોને ઝળહળતા રાખો, ઉપાદાન શુદ્ધ કરો. ક્યાંક ઝવેરી મળી જશે, ધીરજ રાખો. પૂ.આ.શ્રી મુનિસુંદરસુરિ મ.ને યોગ્ય સમય અને ઉપાદાનની શુદ્ધતા આ નરરત્નમાં દેખાય છે તેથી સિદ્ધચક્રનું અનુષ્ઠાન નિર્દેશ કરે છે.
જે પણ ધર્મક્રિયા કરવી છે તે યોગ્ય રીતે શીખો
પૂ.આ. શ્રી મુનિસુંદરસૂરિ મ. એ પૂર્વમાંથી ઉદ્ભૂત કરી ઉંબર-મયણાને સિદ્ધચક્રનું વિધાન આપ્યું. આ.સુ.૭ થી વિધાન-આરાધના ચાલુ કરવાની છે. હજુ આ દિવસની વાર છે. મયણાને વિધિ-વિધાનનો ઊંડાણથી અભ્યાસ છે. ઉંબર વિધિ વિધાનથી બિલકુલ અજાણ છે. ઉંબર એવું નથી વિચારતો કે પૂજા વિધાનના સમયે મયણા કહેશે તેમ કરી લઈશું. જે પણ ધર્મક્રિયા-આરાધનાપૂજા-પૂજન કરવાનું છે તે પૂ. ગુરુદેવ પાસે સમજવા મહેનત કરે છે. થિયરી ગુરુ મ. પાસે શીખી, પ્રેક્ટિકલ મયણા પાસે શીખે છે. ક્રિયાત્મક ધર્મ ઉપર હથોટી મેળવે છે, તત્વને ભાવાત્મક બનાવે છે. તત્વ-રહસ્યનો ખ્યાલ નહોય તો આરાધનામાં મજા કેમ આવે? ઉંબર રાણો મયણા પાસે પણ શીખે છે. નથી નાનપ, નથી શરમ, માત્ર છે ધગશ! જે કાંઈ પણ અનુષ્ઠાન કરવું છે તેની સમજ હોવી જોઈએ. હા, ઉંબર એવું પણ નથી વિચારતો કે, વિધિ કરતાં જઈશું અને
ఉండు డబులు ముడుపులు
| SR No. | 034034 |
| Book Title | Shripal Katha Anupreksha |
| Original Sutra Author | N/A |
| Author | Naychandrasagarsuri |
| Publisher | Purnanand Prakashan |
| Publication Year | 2016 |
| Total Pages | 109 |
| Language | Gujarati |
| Classification | Book_Gujarati |
| File Size | 4 MB |