Page Text
________________
પ્રકરણ : ૬
શ્રી સદ્ગુરુના ચરણનો મહિમા
સદગુરુ ચરણ મહિમા ભારી, સકલ વિશ્વને મંગળકારી, કરુણા સાગર ભવભય હારી, મોહ તિમિર અજ્ઞાન વિદારી. ગુરુ વિણ જ્ઞાન ન કોઈ લાધે, કોટી ઉપાસના જપ-તપ સાધે, ગુરુ મૂર્તિ ગુરુ મંત્ર મહીમા, ગુરુ આજ્ઞા ગુરુ વચન ગરિમા. શ્રી મહાવીર પ્રભુના ચરણે, ગૌતમ મુનિવર આવ્યા શરણે, ત્રિપદી મંત્ર શ્રુત કેવળ શ્રેણી, ગુરુ ગૌતમ પામ્યા શિવરમણી.
વષિષ્ઠ મુનિના પાદ કમળમાં, રામચંદ્ર પામ્યા સુખ પળમાં, રાજ પરિક્ષિત સાત દિવસમાં, શુકમુનિ ચરણે આત્મલગનમાં. રાજચંદ્ર ગુરુ પંચમકાળે, રામ બીજા કે વીર કળીકાળે, શ્રી લઘુરાજ આતમ સુખ પામ્યા, બ્રહ્મચારીજી ગુરૂગમ પામ્યા.
આત્મસાધનાના અમૃત અનુષ્ઠાન ૧. અધ્યાત્મયોગી શ્રી આનંદઘનજી મહારાજ
શ્રી આનંદઘનજીનો સમય આશરે વિ.સં. ૧૬૬૦ થી ૧૭૩૦ (1603-1670 A.D.) સુધીનો ગણાય છે. તેઓશ્રીનો જન્મ રાજસ્થાનમાં આવેલા મેડતા નામના ગામમાં થયો હતો. વિશેષ ભક્તકવિયીત્રી મીરાબાઈ પણ આ જ ગામમાં જન્મેલા. ભારતના રાજકીય ઇતિહાસની દષ્ટિએ જોતાં આ સમય શહેનશાહ અકબરના અંતિમ વર્ષો અને જહાંગીર -શાહજહાં અને ઔરંગઝેબના રાજયના પ્રારંભકાળનો સમય ગણાય. ઓરંગઝેબે ગુજરાતના ધાર્મિક અને સામાજિક ઉત્સવો સામે મનાઈ ફરમાવી હતી. આ રાજા એટલો ધર્મઝનુની હતો કે તેણે અનેક મંદિરો અને ધર્મની પાઠશાળાઓનો ધ્વંસ કર્યો હતો.
રાજસ્થાન અને ગુજરાતની આવી વિષમ પરિસ્થિતિમાં જૈન દર્શનના અણમોલ રત્નોએ આપણા સદ્ભાગ્યે ભગવાન મહાવીરનો અહિંસા ધર્મ અને આત્મ ધર્મની સાધના અને પ્રભાવના અદૂભુત રીતે કરી હતી. તપગચ્છના જયોર્તિધર શ્રી હીરવિજયસૂરિજીએ શહેનશાહ અકબરને જૈનધર્મનું સ્વરૂપ સમજાવ્યું હતું તેના પરિણામે બાદશાહ અકબરે પર્યુષણના આઠ દિવસ હિંસાનો નિષેધ ફરમાવ્યો હતો ! અકબર પર જૈનધર્મની અહિંસાની ભાવનાનો એટલો પ્રભાવ પડ્યો હતો કે વર્ષમાં છ મહિના કોઈ જીવની હિંસા ન કરવાનો હુકમ કર્યો હતો !
આ જ અરસામાં જૈનધર્મના બીજા ત્રણ યુગપ્રધાન સાધુપુરુષો થયા. તેમાં ખાસ કરીને શ્રી આનંદઘનજીએ અધ્યાત્મયોગની સાધના તેમના અલૌકિક પદો અને સ્તવનોથી કરી જે આજે પણ આપણને રોમાંચિત કરી રહેલ છે. આનંદઘનજીના મોટાભાઈ શ્રી સત્યવિજયજીની ધર્મક્રિયાની સમજણ ખૂબ જ ઉપકારી બની હતી અને ઉપાધ્યાય
શ્રદ્ધા સાચી ગુરુ ચરણી, મોક્ષ માર્ગની ભવ્ય નિસરણી, એક ભરોસો સદ્ગુરુ સાચો, બાકી જ સાથ જગતનો કાચો.
રવિ કિરણો સમ સદ્ગુરુ વાણી, આત્મપ્રકાશે મંગળ જાણી, ગુરુકૃપા ગુરુગમ સુખખાણી, ગુરુચરણોમાં અમૃત વાણી.
ગુરુપૂર્ણિમા દિન,
૨૦૦૨
રચના : ડો. પ્રવીણભાઈ શાહ (ફીલાડેલ્ફીઆ)
| SR No. | 034001 |
| Book Title | Aatm Sadhnanana Amrut Anushthan |
| Original Sutra Author | N/A |
| Author | Pravinchandra L Shah |
| Publisher | Jain Center of Connecticut |
| Publication Year | 2017 |
| Total Pages | 169 |
| Language | Gujarati |
| Classification | Book_Gujarati |
| File Size | 705 KB |