Page Text
________________
પ્રકરણ : ૫
જૈન મુનિઓમાં ભક્તિયોગની ગંગા વહાવતા મુનિશ્રી મોહનવિજયજીની પણ ખૂમારી તો જુઓ !
૮૨
જો જિન તું છે પાશરો રે લોલ, તો કરમ તણો શો આશ રો રે લો, જો તુમે રાખશો ગોદમાં રે લોલ, તો કીમ જાશું નિગોદમાં રે લો. તાહરી ભક્તિ ભલી બની રે લો, જિમ ઔષધિ સંજીવની રે લો, તન મન આનંદ ઉપન્યો રે લો, કહે મોહન કવિ રૂપનો રે લો. (શ્રી મોહનવિજયજી કૃત ચંદ્રપ્રભુનું ૮મું સ્તવન) જેના હૃદયમાં સાચી પ્રભુ ભક્તિ હોય તે સાધક કેવો નિર્ભય હોય ? નાનું બાળક માના ખોળામાં બેઠું હોય ત્યારે તેને કોઈનો ડર નથી હોતો. તેમ ઉપરના પદમાં ગ્રન્થકાર કહે છે કે હે જિનેશ્વર દેવ! તમારું શરણું મળ્યું હવે કરમ તો બકરી જેવા છે, તમારી ભક્તિથી અમારું હૃદય કર્મોને સિંહ ગર્જનાથી ભગાડી દેશે અને તમારી ગોદમાં તમારા ચરણનું શરણ મળ્યું તો હવે નિગોદ એટલે નીચી ગતિમાં જવાનો કોઈ સવાલ જ નથી ! અને સંજીવની વનસ્પતિ જેમ બધા રોગોની દવા છે તેમ તમારી ભક્તિથી અમારા હૃદયમાં અખંડ ચિત્તપ્રસન્નતા અને આનંદ જ વર્તે છે. કેવી ભક્તિરસની ખૂમારી આ પદમાં છે ! મારો પોતાનો આ અનુભવ છે કે ગુરુકૃપાથી મારી સાધનામાં આ પાંચ મહાત્માઓના સ્તવનોનો રસાસ્વાદ અને મસ્તિ માણવાનો જે આનંદ મારા હૃદયમાં આ પુસ્તક લખતાં અનુભવાય છે તે શબ્દોમાં વર્ણવી શકાતો નથી પણ તેના ફળ રૂપે એક અલૌકિક ‘ચિત્ત પ્રસન્નતા’ સદાય અને નિરંતર અનુભવાય છે, આવો ભક્તિ યોગનો અદ્ભુત મહીમા છે. !!! તો આ ભક્તિરસનો ઉંડો આસ્વાદ
આપણે ચાર મહાત્માઓના સ્તવનોથી પ્રકરણ ૮ માં વિસ્તારથી આચમન કરીશું.
આત્મસાધનાના અમૃત અનુષ્ઠાન
૩. વચનાનુષ્ઠાનો અથવા જિનઆજ્ઞા અનુષ્ઠાન
જુઓ, કેવી Sceintific and Logical અનુષ્ઠાનોની સંકલના આચાર્ય શ્રી હરિભદ્રસૂરિજીએ પ્રગટ કરી છે કે પ્રથમ ભગવાન અને સદ્ગુરુ પ્રત્યે અવિચળ પ્રેમ-પ્રીતિ જન્મે અને સાધકને તેના ફળરૂપે હૃદયમાં ઉપર જોઈ ગયા તેવી શ્રદ્ધા - પ્રેમ - અર્પણતાથી રોમેરોમ ઉભરાતી ભક્તિ પ્રગટ થાય એટલે સાધકનું હૃદય હવે કેવું નરમ, વિનયી અને નવવધૂની (સતી સ્ત્રી) જેમ પોતાના સ્વામીનાથ - જિનેશ્વર ભગવાન અને સદ્ગુરુની સર્વ ઇચ્છિા, સર્વ આજ્ઞાને શિરસાવંઘ ગણીને વર્તે તેમ સદ્ગુરુદેવ પ્રત્યે પ્રીતિ અને ભક્તિવાળા સાધકઆત્માર્થીને સદ્ગુરુનો મહિમા કેવો હોય તે આ પદમાં જોઈએ
પ્રત્યક્ષ સદ્ગુરુ પ્રાપ્તિનો, ગણે પરમ ઉપકાર, ત્રણે યોગ એકત્વથી, વર્તે આજ્ઞાધાર
૮૩
સ્વછંદ મત આગ્રહ તજી, વર્તે સદ્ગુરુ લક્ષ, સમકિત તેને ભાંખિયું કારણ ગણી પ્રત્યક્ષ.’
(શ્રી આત્મ સિદ્ધિશાત્ર ગાથા ૧૭, ૩૫ - શ્રીમદ્ રાજચંદ્ર) ભગવાન મહાવીરસ્વામીએ આચારાંગસૂત્રમાં આ વાતને દિવ્યતાથી પ્રકાશી છે તે જોઈએ
‘જગત આખાનું દર્શન જેણે થયું છે તેવા ભગવાન મહાવીરસ્વામીએ આચારાંગસૂત્રમાં આ વાતને નીચે પ્રમાણે કહેલ છે
ગુરુને આધિન થઈ વર્તતા એવા અનંતપુરુષો માર્ગ પામીને મોક્ષને પ્રાપ્ત થયા.’ (વચનામૃત પત્રાંક ૧૯૪ - શ્રીમદ્ રાજચંદ્ર)
જે સાધક જીવ પોતાની સર્વ મતિકલ્પના, મત અને ગચ્છના આગ્રહથી મુક્ત થઈ એકમાત્ર સદ્ગુરુની આજ્ઞા, જિનવચનમાં જ મગ્ન થઈ સાધના કરે છે તે અવશ્ય મોક્ષને પામે જ છે. એમ આગમ
| SR No. | 034001 |
| Book Title | Aatm Sadhnanana Amrut Anushthan |
| Original Sutra Author | N/A |
| Author | Pravinchandra L Shah |
| Publisher | Jain Center of Connecticut |
| Publication Year | 2017 |
| Total Pages | 169 |
| Language | Gujarati |
| Classification | Book_Gujarati |
| File Size | 705 KB |