Page Text
________________
અનુમોદના
હિમાલયમાંથી વહી નિકળેલી ગંગા આસપાસના પ્રદેશો અને કિનારાઓને શીતળ અને પવિત્ર કરી જેમ સાગરને પહોંચે છે તેમ સંતો મહંતો મહાત્મા પુરુષો અને મહાન વિભૂતિઓ પોતાની અનુભૂતિની કૃતિઓ અને મીઠી વાણી દ્વારા માનવોનું કલ્યાણ કરતા, માર્ગ બતાવતા પોતે મોક્ષ પ્રતિ પ્રયાણ કરે
છે.
આવી જ કેટલીક મહાન વિભૂતિઓ (શ્રીમદ્ શ્રી આનંદઘનજી, ઉપાધ્યાય શ્રી યશોવિજયજી, ગણી શ્રી દેવચંદ્રજી)ના રચેલ સ્તવનો સઝાયો પદો અને શાસ્ત્ર સૂત્રોનો સંગ્રહ કરીને એક એવું અણમોલ પુસ્તક (ગ્રંથ) બહાર પડ્યું છે જેના વાંચન મનન દ્વારા સાધક આત્મા મુક્તિના પંથે આનંદ-મંગળથી પ્રયાણ કરી શકે. અમેરિકાનીવાસી લેખક ડૉ. શ્રી પ્રવીણચંદ્ર એલ. શાહે આ પુસ્તક લખીને વાચક વર્ગને અને સર્વજિજ્ઞાસુ આત્માઓને સુંદર ભેટ આપી છે.
એમણે જે રીતે એક પછી એક અનુષ્ઠાનો સંદર્ભ સાથે સમજાવ્યા છે તે બહુ મનનીય અને ચિંતનીય છે. અને આ અણમોલ સંગ્રહ પ્રવીણભાઇના જીવનના આત્મપુરુષાર્થનું પરિણામ છે.
આજનો માનવી આખા જગત સાથે સંબંધ બાંધવાની આંધળી દોડમાં પોતાની જાત (આત્મા સાથે) સાથેનો સંબંધ ખોઇ બેઠો છે. આખા જગતની સાથે સંબંધ બાંધવામાં, જગતને ઓળખવાની તાલાવેલીમાં,. પોતાની જાત સાથેનો સંબંધ ખોઇ બેઠો છે–ભૂલી ગયો છે અને પરિણામે દુઃખજઅનુભવેછે. પોતા તરફ વળ્યા વિના અંતરમુખ દૃષ્ટિ પ્રાપ્ત કર્યા વગર એકલી ક્રિયાની ચીલાચાલુ દોડમાં ઘુમ્યા કરવાથી જીવનમાં શાંતિ સંતોષ અને આનંદનું અવતરણ થઇ શકતું નથી. અને ધાર્મિક રહેવા છતાં પ્યાસ અને પ્રીતિ તો ભૌતિકતાની જ રહે છે. અને આનું નામ જ ઓઘદૃષ્ટિ. આ પુસ્તકમાં સુંદર રીતે સમજાવી છે.
આત્મસાધનાના અમૃત અનુષ્ઠાન
૭
અનંત ઉપકારી જિનેશ્વર ભગવંતની ઉપાસના, આરાધના આત્મા માટે ઘણી જ અનિવાર્ય છે. આત્મસાધનાના અનેક પ્રકારોમાં જિનોપાસના એ મુખ્ય સાધના છે. જિનેશ્વર ભગવાનની સેવા, ભક્તિ કે આરાધના કરવી એ ઉપાસના કહેવાય. આવી સેવા વારંવાર થાય ત્યારે તે ભક્તિનું રૂપ ધારણ કરેછે. ભક્તિમાં ગુણાનુરાગની ભવ્યતા આવે ત્યારે તે આરાધનાનું રૂપ ધારણ કરે છે. અને આરાધનામાં એકાગ્રતા વધે ત્યારે તે અનન્ય ઉપાસનાનું રૂપ ધારણ કરે છે. આવી ઉત્કૃષ્ટ ઉપાસના દ્વારા જીવ પરમપદને પામે છે. (ઉત્તરાધ્યયન સૂત્ર આની સાખ આપે છે.)
ભદ્રતા, સરળતા, વિનય અને પવિત્રતા એ સાચી જિનોપાસનાના પાયા છે. આત્મશુદ્ધિના અપૂર્વ અનુષ્ઠાનો સમજાવીને મુમુક્ષુ આત્માનું કલ્યાણ થાય તે દૃષ્ટિમાં રાખી શ્રી પ્રવીણભાઇએ આ પુસ્તક લખ્યું છે. તેમની સરળ ભાષાથી ગહનમાં ગહન વાત સહેલાઇથી સમજી શકાય તેવા સંદર્ભો અને દષ્ટાંતો વડે સ્પષ્ટપણે સમજી શકાય તેવી ઉત્તમ શૈલીથી તેનું નિરૂપણ થયું છે અને ભક્તિમાર્ગ અને જ્ઞાનમાર્ગનો ઉત્તમ સમન્વય થયેલો મળે છે. આ પુસ્તકમાં પ્રીતિયોગ, ભક્તિયોગ, જિનવચન આજ્ઞાયોગ અને અસંગયોગનો જ્યાં સમન્વય થયો છે. તેને વાચકો સમજે, મનન કરે, વાગોળે અને આત્મસાત કરી જિનોપાસનાના પવિત્ર પંથે આગળ વધે અને પરંપદની જ્યોત પ્રાપ્ત કરે એ જ શુભભાવના... ઉત્તમ ગ્રંથ રચના માટે શ્રી પ્રવીણભાઇને હાર્દિક અભિનંદન તથા અનુમોદના વ્યક્ત કરતાં ખૂબ જ આનંદ થયો છે...જયજિનેન્દ્ર
–પ્રમોદાબેન ચિત્રભાનુ
ન્યુયોર્ક, ઓગષ્ટ, ૨૦૧૬
| SR No. | 034001 |
| Book Title | Aatm Sadhnanana Amrut Anushthan |
| Original Sutra Author | N/A |
| Author | Pravinchandra L Shah |
| Publisher | Jain Center of Connecticut |
| Publication Year | 2017 |
| Total Pages | 169 |
| Language | Gujarati |
| Classification | Book_Gujarati |
| File Size | 705 KB |