Page Text
________________
૨૮
પ્રકરણ : ૧ સુયોગ મળ્યો. અને મારી સાધનામાં સોનામાં સુગંધ જેવું તો એ બન્યું કે અમારા સદ્ભાગ્ય અમેરિકામાં પંડિતવર્ય શ્રી ધીરૂભાઈ પંડિતજીનું છેલ્લા ૨૫ વર્ષથી આવવાનું થયું અને તેમની સાથે ખૂબ જ ગાઢ આત્મીય સંબંધ મારે થયો. દર ઉનાળાના સમયમાં તેમની સાથે Personal સત્સંગ થતો અને પૂ. પંડિતજીએ ખાસ ભલામણ કરી કે તમે યશોવિજયજી અને હરિભદ્રસૂરિજી આચાર્યના ગ્રંથોમાં ઉંડા ઉતરીને ભણો અને બીજાને ભણાવતા રહેજો.
આમ જ્ઞાનમાર્ગની આરાધના સતત ચાલુ રહી હતી પણ હજી આત્માનો (અંતરનો) આનંદ માણ્યો ન હતો. ૧૯૮૫માં શ્રી કીરણભાઈ પારેખનું અમેરિકામાં મને મળવાનું થયું અને તેમણે શ્રીમદ્ આનંદઘનજી, દેવચંદ્રજી, અને યશોવિજયજીના સ્તવનો મુખપાઠ કરીને અર્થ સાથે ભણવા માટે તથા તેના ભાવાર્થ લખીને બધાને સમજાવવાની ખાસ ભલામણ કરી. તીર્થંકર ચોવીસીના આ સ્તવનો તો મારા માટે ‘સંજીવની ઔષધી’ બની ગયા. છેલ્લા વીસેક વર્ષથી આ મહાત્માઓના સ્તવનોની શિબીર તથા પર્યુષણ પર્વોમાં તેનો ભાવાર્થ ઘણા Jain Center માં કરાવવાનો લાભ મને મળ્યો. લગભગ ૯૬ સ્તવનો મુખપાઠ થઈ ગયા અને જીવનના રાતદિવસની ચર્યામાં આ ઉત્તમ અધ્યાત્મના ભક્તિ સૂત્રોનું મનન થવા લાગ્યું અને ‘ચિત્તપ્રસન્ન રે પૂજન ફલ કહ્યું' એવું ચરિતાર્થ થવા લાગ્યું. ગુરુકૃપા બલ ઓર હૈ”
મીરાબાઈના અમર Timeless ભજનો જેમ વૈરાગ્ય અને પ્રેમલક્ષણા ભક્તિથી ભરપૂર છે તેમ તીર્થકર ચોવીસીના સ્તવનો તો વૈરાગ્ય અને સાત્વિક અને તાત્વિક ભક્તિથી ભરપૂર છે. ખાસ કરીને દેવચંદ્રજીનાં અને આનંદઘનજીના સ્તવનો તો દ્રવ્યાનુયોગ અને ભક્તિયોગની ગંગા-જમનાનું જાણે સમન્વયવાળું મીઠું ઝરણું છે.
આત્મસાધનાના અમૃત અનુષ્ઠાન
૨૯ પ્રસ્તુત પુસ્તકમાં આ અલૌકિક ભક્તિ યોગને સમજાવવા આ ચાર મહાત્માઓના સ્તવનોનો ભાવાર્થ ચાર અમૃત અનુષ્ઠાન રીતે (પ્રીતિ, ભક્તિ, વચન-આજ્ઞા, અસંગતા) આપણે વિસ્તારથી વિચારશું અને જિનેશ્વર ભગવાનની ગુણાનુરાગની પ્રશસ્ત ભક્તિ કરીને અંતરશુદ્ધિ અને આત્મજાગૃતિથી સૌ વાચકવર્ગનું આત્મકલ્યાણ થાય તેવી ભાવના સાથે પ્રભુ પ્રાર્થના કરું છું.
આ પુસ્તક લખવાની પ્રેરણા અને મારા અમેરિકાના સ્વાધ્યાય ગ્રુપ જયાં ઘણાં Center થઈ રહ્યા છે તેના ખૂબ જ જિજ્ઞાસુ મિત્રોના પ્રેમભર્યા આગ્રહથી આ લખાવાનું નિમિત્ત મળ્યું. તે ઉપરાંત ખાસ કરીને અમેરિકામાં છેલ્લા ચાર દાયકાથી મને પૂ. ગુરુદેવશ્રી ચિત્રભાનુ અને શ્રી પ્રમોદાબેનનો સત્સંગ, સહયોગ, અને પ્રેરણાકારી ઉલ્લાસીત સૂચના મળી કે તમે જે અમેરિકાની ભૂમિમાં રહીને આવા ઉત્તમ શાસ્ત્રો અને આનંદઘનજી, ઉ. યશોવિજયજીના સ્તવનોનો સ્વાધ્યાય કરાવો છો તેનો લાભ સમસ્ત જૈન સમાજને મળે તેવું એક પુસ્તક લખો તો ખૂબ જ ઉપકારી થશે. આ નિર્ણય જ્યારે આ પુસ્તક લખવાનો મેં વિચાર કર્યો ત્યારે શ્રી પ્રમોદાબેનને ફોન પર વાત કરી અને અત્યંત ઉલ્લાસથી મને તેમણે આશીર્વાદ પાઠવ્યા અને મારા ઉત્સાહમાં ખૂબ જ જોર આવ્યું. જો કે મારી યોગ્યતાની ઘણી જ ખામી છે છતાંય
सोहं तथापि तव भक्तिवशान्मुनीश । कर्तुं स्तवं विगतशक्तिरपि प्रवृतः ॥
(ભક્તામર સ્તોત્ર ગાથા ૫) હે પ્રભુ, ભલે મારી શક્તિ અલ્પ હો, પણ આજે તમારી અનન્ય ભક્તિને કારણે આપના ગુણાનુરાગ અવશ્ય ગાઈશ.'
| SR No. | 034001 |
| Book Title | Aatm Sadhnanana Amrut Anushthan |
| Original Sutra Author | N/A |
| Author | Pravinchandra L Shah |
| Publisher | Jain Center of Connecticut |
| Publication Year | 2017 |
| Total Pages | 169 |
| Language | Gujarati |
| Classification | Book_Gujarati |
| File Size | 705 KB |