Page Text
________________
૨૭૨
પ્રકરણ : ૧૦ હવે આપણે પ્રસ્તુત સ્તવનની ૩જી ગાથા સમજીએ : ઈતને દિન તું નાહિં પિછાન્યો, મેરો જન્મ ગમાયો અજાનમેં, અબ તો અધિકારી હોઈ બેઠે, પ્રભુ ગુણ અક્ષય ખજાન મેં,
હમ મગન ભયે પ્રભુ ધ્યાનમેં (૩) ઉપાધ્યાય શ્રી યશોવિજયજી સમર્થ આત્મઅનુભવી હતા. જ્ઞાનસાર, અધ્યાત્મસાર, દ્રવ્ય-ગુણ-પર્યાય રાસનો ગ્રન્થ તથા બીજા ઘણા શાસ્ત્રોની રચના કરનાર તાર્કિક શિરોમણી, ન્યાયાચાર્યનું બિરુદ ધરાવનાર સમર્થ તત્ત્વજ્ઞાની હતા. આવા મહાપુરુષો પણ ભગવાન આગળ કેવી આલોચના કરે છે કે, હે પ્રભુ ! અનાદિકાળના પરિભ્રમણમાં અમે તમને ક્યારેય ઓળખ્યા જ નહિ ! આટલા દિવસ સુધી તમારી સમ્યફ શ્રદ્ધાનપૂર્વકની ઓળખાણ, દર્શન ન થયા, તેથી મારો જન્મ અજ્ઞાનદશામાં જ વ્યતીત થયો. પણ હવે તમારી કૃપાથી તમારા અનંતગુણોની યથાર્થ ઓળખાણ અને દર્શનરૂપી સમ્યક્દર્શનની પ્રાપ્તિ થવાથી પ્રભુના અનંત ગુણોના અક્ષય (ક્યારેય પણ ખૂટે જ નહિ) ખજાનાને મેળવવા માટે અમને પણ અધિકાર પ્રાપ્ત થયો છે. અર્થાતુ અમને પણ અમારો આત્મવૈભવનો ખજાનો હે પ્રભુ ! તમારા શુદ્ધ સ્વરૂપનું ધ્યાન કરતાં અવશ્ય પ્રાપ્ત થશે એવી ખુમારી આ ગાથામાં વ્યક્ત કરે છે. અમારા અમેરિકાના સ્વાધ્યાયોમાં મેં ઘણીવાર મારી અનન્યભક્તિ શ્રી યશોવિજયજી મ.સા. પ્રત્યે વ્યક્ત કરતાં કહ્યું છે કે, જે સાધકને આત્મકલ્યાણ કરવાની સાચી જિજ્ઞાસા હોય તેણે ઉપાધ્યાય યશોવિજયજીના જેટલા શાસ્ત્રો, જેટલી સજઝાયો અને સ્તવનોનો અભ્યાસ થાય તેટલો ધગશ અને ધીરજથી કરવો જોઈએ તો સંપૂર્ણ મોક્ષમાર્ગનો Roadmap આપોઆપ સમજાશે. તેમાંય ખાસ કરીને જ્ઞાનસાર, અધ્યાત્મસાર, આઠ યોગદષ્ટિની સજઝાય
આત્મસાધનાના અમૃત અનુષ્ઠાન
૨૭૩ અને સવાસો ગાથાનું સ્તવન અર્થપૂર્વક અવશ્ય, અવશ્ય ભણવાની ખાસ ભલામણ છે. મારા ઉપર ઉપાધ્યાયજીનો ઉત્કૃષ્ટ ઉપકાર છે અને આ પુસ્તક લખતાં તેમના પ્રત્યે જે અહોભાવ મને હૃદયમાં વર્તે છે તે શબ્દોમાં વર્ણવવા મારું ગજુ નથી.
હવે આગળની ગાથામાં ઉપાધ્યાયજી પ્રભુકૃપાથી પોતાની કૃતકૃત્યતાનો આનંદ વ્યક્ત કરે છે :
ગઈ દીનતા સબહી હમારી, પ્રભુ ! તુજ સમકિત દાન મેં, પ્રભુ ગુણ અનુભવ કે રસ આગે, આવત નહિ કોઈ માન મેં.
હમ મગન ભયે પ્રભુ ધ્યાન મેં (૪) આ ગાથામાં સમજાવે છે કે, અનાદિકાળથી મારો આત્મા આત્મઅનુભવ વગરનો હોવાથી બહિરાત્મદશાવાળો થઈ જગતના પુદ્ગલ પદાર્થોની ભીખ માગતો હતો. જેથી દીન અને કંગાળ હતો. ક્યારે પણ મને મારા અંતરવૈભવનો ખ્યાલ સુધા ન હતો. પણ આ મનુષ્યભવ સફળ થયો છે કે, જે મનુષ્યભવમાં મને દેવાધિદેવ અરિહંત ભગવાનની યથાર્થ ઓળખાણ, સમ્યક્દર્શન અને પ્રભુકૃપાની પ્રાપ્તિ થઈ. હે પ્રભુ ! આપે આપેલા સમતિના દાનથી મારું અનાદિનું યાચકપણું મટી ગયું. હવે પ્રભુના આત્મગુણોને માણવામાં, અનુભવવામાં, ગુણાનુરાગમાં જે રસ આવે છે તેની સરખામણીમાં જગતનો કોઈ રસ કે પદાર્થ આવી શકે તેમ નથી ! માટે અમે તો નિરંતર આત્મઅનુભવનો રસાસ્વાદ માણવામાં જ મગ્ન રહેવા ઇચ્છીએ છીએ. તે માટે તત્પર બન્યા છીએ.
આવી જ અદ્ભુત ચમત્કૃતિ આપણને શ્રી યશોવિજયજીના મલ્લિનાથ ભગવાનના માત્ર ૩ ગાથાના નીચેના દિવ્ય સ્તવનમાં માણવા મળે છે :
| SR No. | 034001 |
| Book Title | Aatm Sadhnanana Amrut Anushthan |
| Original Sutra Author | N/A |
| Author | Pravinchandra L Shah |
| Publisher | Jain Center of Connecticut |
| Publication Year | 2017 |
| Total Pages | 169 |
| Language | Gujarati |
| Classification | Book_Gujarati |
| File Size | 705 KB |