________________ ચૌદપૂર્વધર, દસપૂર્વધર વગેરે વિશિષ્ટ જ્ઞાની ગુરુ પણ તમને મળ્યા નથી. છતાં સંવિગ્ન-ગીતાર્થ ગુરુ આજે પણ હાજર છે.” સભાઃ “પંચ મહાવ્રતધારી ગુરુપદમાં ન આવે?” ગુરુજી: “પંચ મહાવ્રતધારી ગુરુપદમાં જ છે પરંતુ એ સંવિજ્ઞ-ગીતાર્થ ન હોય તો તે માર્ગદર્શક ગુરુ ન બની શકે. સભાઃ “ગૃહસ્થ ગુરુ હોઈ શકે?” ગુરુજી: “ગૃહસ્થ બહુશ્રુત હોય અને તમારા જીવનમાં ધર્મની પ્રેરણાદિ આપ્યા હોય તો તે કલ્યાણમિત્ર કહેવાય. પણ ગુરુ ન કહેવાય. ગુરુપદ માટે તો એટલિસ્ટ પંચમહાવ્રતધારી જોઈએ.” સભાઃ “આજે તો ગૃહસ્થો ગુરુ તરીકે પૂજાય છે.” ગુરુજી: “અસંયતની પૂજા-એ અચ્છેરું છે. ૯મા- ૧૦મા ભગવાનના વચ્ચેના કાળમાં ગૃહસ્થો ગુરુ તરીકે પૂજાય તે અચ્છેરું ગણાયું છે.” સભાઃ “આપે કહ્યું કે, પંચમહાવ્રતધારી ગુરુપદમાં આવે પણ માર્ગદર્શક ગુરુ તો સંવિજ્ઞ-ગીતાર્થ જ બની શકે. આવું કેમ?” ગુરુજી: “ડૉક્ટર એનેસ્થેસિયા આપવામાં ચૂકી જાય તો દર્દી મરી જાય.એનેસ્થેસિયા ઓછો પણ ન અપાય, વધારે પણ ન અપાય. સંવિજ્ઞગીતાર્થ જાણી શકે કે, ઉતાવળ કરવા જેવી છે કે નહીં? દા.ત. બાહુબલી ઋષભદેવ ભગવાનનો દીકરો છે. નાનપણથી મોટો ભગવાને કર્યો છે. ભગવાને સંસ્કાર આપવામાં કાંઈ બાકી રાખ્યું નથી.” સભા: “ભગવાનના ખોળામાં જ મોટા થયા છે.” ગુરુજીઃ “સાચી વાત છે, છતાં બંને ભાઈનું યુદ્ધ થયું એમાં ભગવાન વચ્ચે પડ્યા? શાસ્ત્રમાં બે મતાંતર આવે છે. એમાં એકમાં લખ્યું બાર વર્ષ સુધી યુદ્ધ ચાલ્યું કેટલા જીવોનો સંહાર થયો છતાં ભગવાને સમાચાર મોકલ્યા?” સભા: “ભગવાનને ખબર છે કે છેલ્લે દીક્ષા લેવાનો છે.” પ્રાર્થના 2 113 પડાવ : 11
