Page Text
________________ સંશયનું પોસ્ટમોર્ટમ કરીએ. સપૉઝ, સામેની વ્યક્તિ પાસે ફોરવ્હીલર નથી. નેનો કાર તો દોઢેક લાખમાં જ આવી જાય છે. તમે વિચારો કે દોઢ લાખ રૂપિયા મારી પાસે રહે કે ન રહે અને ખાસ ફરક પડશે ખરો? એ દુ:ખી છે, તો એને તમે નેનો કાર લઈ આપશો? એની ઈર્ષાની ચિંતા કરો છો તો એની ઈર્ષાના કારણનો ઉપાય કેમ નથી કરતા? બીજી રીતે એમ પણ વિચારી શકાય કે કોઈને ઈર્ષા થાય એમાં તમારો શો વાંક? એણે તમને પૂછ્યું કે કેટલા કમાયા ત્યારે તમે સાચો જવાબ આપ્યો છે. તમે એને સામેથી કહેવા તો નથી ગયાને? પછી તમને કોઈ પાપ લાગે ? સામેવાળાએ જાતે આપઘાત કર્યો અને મર્યો એમાં તમને કોઈ પાપ ન લાગે. તમે એને કહ્યું હોય કે તું મર અને એ મરે તો તમને પાપ લાગે. એ ઈર્ષા કરે એનું પાપ તમને નહિ લાગે. ચિંતા ન કરો. થોડાં વરસ અગાઉ તમારા કરતાં એ પૈસાવાળા હતા અને હવે એ લોકોને ક્રાઈસીસ આવી ગઈ. હવે એ લોકો આર્થિક સંકડાશમાં આવી ગયા છે અને તમારા ઘરે બીએમડબલ્યુ આવી ગઈ તો તમે શું કરો ? કોઈને ઈર્ષા થાય તમારો શો વાંક? તમે અબજોપતિ થઈ ગયા અને તમારા કોઈ સંબંધીને ઈર્ષા થાય છે તો શું તમે તમારા અબજો રૂપિયા ફેંકી દેશો? તમને એણે સામેથી પૂછ્યું છે કે તમે કેટલા કમાયા? હવે એને ઈર્ષા થાય, મૈત્રી થાય કે ગમે તે થાય; એ માટે તમારે ખોટું શા માટે બોલવાનું? એ ભલે ગમે તે સમજે, તમને કહેવામાં વાંધો શો? * પત્ની સામેય માયા-પ્રપંચ! તમે જુઓ જગતની સ્થિતિ કેવી છે ! પોતાનાં માબાપને તથા પરિવારને છોડીને આવેલી નવીનવી પુત્રવધૂ એના પતિને પૂછે કે આપણે કેટલા કમાઈએ છીએ? પેલો સાચો જવાબ નહિ આપે. પતિ ઠાવકાઈથી કહેશે હું પૂરતું કમાઉં છું, તારે શું ટેન્શન છે? તને શું જોઈએ છે એ બોલ! તું એ માથાકૂટ મૂક કે હું કેટલા કમાઉં છું. પત્નીએ કંઈ માંગ્યું તો નથી જ, છતાં પતિ સાચો જવાબ આપવાનું ટાળે છે ! તમે ખૂબ કમાતા હો અને એ કંઈક માંગે તો તમારું કર્તવ્ય પણ છે કે એને આપવું જોઈએ ! એ જે કંઈ ઉચિત માગે એ લાવી આપવાનું તમારું પતિ તરીકેનું કર્તવ્ય છે. એણે તમને પોતાનું સમગ્ર જીવન સોપ્યું છે. એ તમને કહે કે, “મારે સોનાની વીંટી જોઈએ છે, જો તમે કમાયા
| SR No. | 032871 |
| Book Title | Rag Part 02 |
| Original Sutra Author | N/A |
| Author | Niswarth |
| Publisher | Parmarth Pariwar |
| Publication Year | |
| Total Pages | 114 |
| Language | Gujarati |
| Classification | Book_Gujarati |
| File Size | 9 MB |