Page Text
________________ 78 જૈન ઇતિહાસની ઝલકો દીધી. તેમની આવી અજોડ ધારણાશક્તિ જોઈને શાંતિસૂરિજી ઊભા થઈને તેમને વહાલથી ભેટી પડ્યા. એમણે કહ્યું, “તમે જૈનશાસનનું છૂપું અમૂલખ રત્ન છો.” તે સમયે પાટણમાં સંવિગ્ન મુનિઓને સ્થાન ન હતું. મુનિ ચંદ્રવિજયજી તો સંવિગ્ન પરંપરાના સાધુ હતા. એટલે તેમને સુંદર અભ્યાસ કરાવવા માટે ચૈિત્યવાસી પરંપરાના આચાર્ય શ્રી શાંતિસૂરિજીએ ટંકશાળની પાછળ ગુપ્ત રીતે રાખ્યા ને છ દર્શનોનો અભ્યાસ કરાવ્યો. (વિ. સં. 1094). આચાર્ય શ્રી શાંતિસૂરિજીએ પોતાના જીવનકાળમાં ચારસો પંદર રાજકુમારોને જૈનધર્મી બનાવ્યા એ સાતસો શ્રીમાળી કુટુંબોને મૃત્યુના મુખમાંથી બચાવીને જૈનધર્મના દૃઢ અનુરાગી કર્યા હતા. [156] દ્રોણાચાર્યજી અને સૂરાચાર્યજીની દાંડી દ્રોણાચાર્યજીના શિષ્ય સૂરાચાર્યજી હતા. એક વાર તેઓ શિષ્યોને પાઠ આપતા હતા. તેમાં જ્યારે તેઓ ગુસ્સે ભરાય ત્યારે શિષ્યોને ઘાની દાંડી મારી દે. આમાં કેટલીય દાંડીઓ તૂટી ગઈ. આથી એક વાર તેમણે મારવા માટે લોઢાની દાંડી મંગાવી. આ વાતની ગુરુ દ્રોણાચાર્યને ખબર પડી. તેમણે સ્વશિષ્ય સૂરાચાર્યજીને ઠપકો આપતાં કહ્યું કે, “આવું હિંસક શસ્ત્ર હાથમાં પણ ન લેવાય; તો મારવાની તો વાત ક્યાં રહી ?" સૂરાચાર્યજીએ કહ્યું કે, “તેઓ પોતાનું બધું જ્ઞાન શિષ્યોને આપવા માગે છે અને તેથી જ તેઓ આવી દાંડીનો ઉપયોગ કરે છે.” તેમની આ વિચિત્ર વાત ઉપર ગુરુજીએ કહ્યું કે, “આ તો તારા જ્ઞાનનું અજીર્ણ જણાય છે. જેની જેવી પાત્રતા હોય તે જ પ્રમાણે તે વ્યક્તિને જ્ઞાન દેવાય. મારપીટ કરવાથી કાંઈ ન વળે. જો તને તારા જ્ઞાનનું અભિમાન જ હોય તો તે શિષ્યો ઉપર બતાવવા કરતાં તું ધારાનગરીના રાજા ભોજની સભામાં જઈને ત્યાંના મોટા પંડિતોની સામે બતાવે તો હજી કાંઈક અર્થ સરે. ગુરુના ટોણાને સૂરાચાર્યજીએ વધાવી લીધો. જ્યાં લગી ધારાના તમામ પંડિતોને જીતું નહિ ત્યાં લગી છ વિગઈના ત્યાગની પ્રતિજ્ઞા કરીને તેઓએ ધારાનગરી તરફ વિહાર કર્યો. ગુરુએ અંતઃકરણની આશિષ આપી અને સાચે તેમ જ થયું. ધારામાં સૂરાચાર્યજીએ બોલાવેલ ઝંઝાવાતી ઝપાટા સામે કોઈ પંડિત ઊભો રહી શક્યો નહિ.
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |