Page Text
________________ જૈન ઇતિહાસની ઝલકો જેટલા પ્રતિક્રમણ થયા તેટલી સોનામહોરો તેને ભેટ કરી. [118] મંત્રીશ્વર પેથડ અને નમસ્કાર મંત્ર કોઈ ચારણ મત્રીશ્વર પેથડ પાસે આવ્યો અને પેથડની સ્તુતિ કરવા લાગ્યો. પેથડે કાન બંધ કરી દઈને કહ્યું, “ભાઈ ! આ શું કરે છે ? મારા જેવા અદકેરા માણસની સ્તવના કરાતી હશે ? એના કરતાં જે હું કહું તેમ કર. તું ભગવાનની સ્તુતિ કર. હું તને ઇનામ આપીશ.” ચારણે કહ્યું, “મારે તો આપની જ સ્તવના કરવી છે.” છેવટે મીશ્વરે ચારણ પાસે નવ વખત નવકાર મંત્ર બોલાવ્યો. દરેક નવકાર વખતે પાંચેય પરમેષ્ઠી ભગવંતોને નમસ્કાર કરાવ્યા અને છેલ્લે નવ નવકાર બદલ નવ સોનામહોર ભેટ આપી વિદાય કર્યો. [120] ખંભાતમાં જિનબિમ્બ-ચોરી અને સંઘજાગૃતિ જ્યારે ખંભાતના સ્તંભન પાર્શ્વનાથ પ્રભુની મૂર્તિ ચોરાઈ હતી ત્યારે આખું ખંભાત ઉપવાસમાં બેસી ગયું હતું. તે વખતના અગ્રણી શેઠ કસ્તૂરભાઈ અમરચંદ નવાબની પાસે ગયા. પ્રત્યેક ઘરની જડતી લેવાનું શરૂ થયું. કોઈ સોનીને ત્યાંથી પ્રતિમાજી હેમખેમ મળી ગયા. ત્યાર પછી જ સમગ્ર ખંભાતે ઉપવાસ છોડ્યા. [121] જગડ શ્રાવકની ઉદારતા ગૂર્જરેશ્વર કુમારપાળ છરી પાળતો સંઘ લઈને શત્રુંજય પહોંચી ગયા. સંઘમાળ પહેરવાનો સમય આવ્યો. નૈતિક રીતે તો ઉછામણી બોલ્યા વિના પણ ગૂર્જરેશ્વર સંઘમાળ પહેરવાને અધિકારી હતા, પરંતુ દેવદ્રવ્યની વૃદ્ધિ કરવા માટે તેમણે ઉછામણી બોલાવવાનું શરૂ કરાવ્યું. ગૂર્જરેશ્વર અને તેમના મંત્રી વમ્ભટ્ટ સામસામા આવી ગયા. લાખ લાખ સોનામહોરના કૂદકા ચાલવા લાગ્યા. ત્યાં એકાએક પાછળની હરોળમાંથી કોઈ બોલ્યું, “સવા કરોડ સોનામહોર” અને સહુની નજર તે તરફ ફરી. સાવ સાદા અને મેલાં જેવાં કપડાંધારીને સહુએ જોયો. જરાક શંકા પડતાં ગૂર્જરેશ્વરે તેને પોતાની પાસે બોલાવ્યો. એણે “જગડ’ તરીકેની પોતાની ઓળખ આપી અને તરત જ ચીંથરે વીંટેલું એક રસ કાઢીને આપ્યું, જેનું મૂલ્ય પૂરા સવા કરોડ સોનામહોર હતું. બાદ આ જ સંઘે ગિરનાર તરફ પ્રયાણ કર્યું. ત્યાં પણ સંઘપતિની માળ પહેરવાની ઉછામણી બોલાઈ. એનો પણ લાભ–સવા કરોડ સોનામહોર બોલીને - એ જ જગડ શ્રાવકે લીધો ! અને વળી એક રત્ન આપી દીધું.
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |