Page Text
________________ 19 જૈન ઇતિહાસની ઝલકો પામ્યા ને મોક્ષ પણ પામી ગયા. તેમને મહોત્સવ કરવા દેવેન્દ્ર આવ્યા. યમુને દેવેન્દ્રને જોયા. જયારે બધી વાતની જાણ થઈ ત્યારે યમુનને એટલો બધો પશ્ચાત્તાપ થયો કે તે આપઘાત કરવા તૈયાર થયો. દેવે આપઘાતને અર્થશૂન્ય અને જન્માંતરમાં અનર્થકર સમજાવીને વાર્યો. પછી યમુને દીક્ષા લીધી. જે દિવસે તેને મુનિહત્યાનું પાપ યાદ આવે તે દિવસે ઉપવાસ કરવાનો સંકલ્પ કર્યો. સતત ઉપવાસ ચાલુ રહ્યા. જીવનશુદ્ધિ કરતાં યમુન મુનિએ કલ્યાણની કેડી પકડી લીધી. [41] રત્નપ્રભસૂરિજી - પાર્શ્વનાથ પ્રભુજીના શાસનના પાંચમા પટ્ટધર રત્નપ્રભસૂરિજી મહારાજા ! પોતાની વિશિષ્ટ શક્તિ દ્વારા બીજું રૂપ બનાવીને ઓસીયા અને કોરટામાં મહા સુદ પાંચમે એકીસાથે જિનબિંબોની પ્રતિષ્ઠા કરી. પોતાના મૂળભૂત દેહથી ઓસીઆમાં પ્રતિષ્ઠા કરી. જ્યારે વૈક્રિય માયાવી દેહથી કોરટામાં પ્રતિષ્ઠા કરી આથી કોરટાના જૈન સંઘને ખૂબ માઠું લાગી ગયું. રત્નપ્રભસૂરિજી મહારાજના શિષ્ય કનકપ્રભવિજયજી તે વર્ષે કોરટામાં ચાતુર્માસ હતા. તેમને જ ભારે આનાકાની છતાં-દબાણ કરાવી કોરટા સંઘે આચાર્યપદ ઉપર આરૂઢ કરી દીધાં અને કોરટા સંઘ તેમની આજ્ઞા નીચે આવી ગયો. હજી તો પરમાત્મા મહાવીરદેવના નિર્વાણને એક સો વર્ષ પૂરાં થયાં ન હતાં ત્યાં જ આવો સંઘભેદ થયો. તેનું પૂજય રત્નપ્રભસૂરિજીને ભારે દુઃખ થયું. પોતાનું ઓસીઆનું ચાતુર્માસ પૂર્ણ કરીને - વગર વિનંતીએ તેઓ કોરટા પધાર્યા અને વ્યાખ્યાનમાં વાત કાઢીને પોતે જ પોતાના પટ્ટધર આચાર્ય તરીકે કનકપ્રભમુનિને જાહેર કરીને વાસક્ષેપ કર્યો. તેમણે કહ્યું કે, “કોરટા સંઘને ધન્યવાદ છે કે તેણે મારો બોજ ઓછો કરી આપ્યો.” સંઘના પ્રત્યેક સભ્યની આંખે આંસુ હતાં. કનકપ્રભમુનિ પણ રડતા હતા. સહુએ ક્ષમા માંગી જૈન સંઘની એકતા અબાધ્ય બની ગઈ. એ પછીનું ચાતુર્માસ રત્નપ્રભસૂરિજીએ કોરટામાં કર્યું અને નૂતન આચાર્ય કનકપ્રભસૂરિજીએ ઓસીઆમાં કર્યું. સર્વત્ર જયજયકાર થઈ ગયો.
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |