Page Text
________________ 10 જૈન ઇતિહાસની ઝલકો ગુરુ-શુક્ર પરિવ્રાજક આવી ચડ્યા. તેમણે તેના ગુરુ થાવસ્ત્રાપુત્ર પાસે લઈ જવાનો આગ્રહ કર્યો; એટલું જ નહિ પણ જો એના સવાલનો સમાધાનકારક જવાબ આપે તો શિષ્ય બની જવાની તૈયારી દાખવી. આથી સુદર્શન શુક્ર પરિવ્રાજકને સ્વ-ગુરુ પાસે લઈ ગયો. પરિવ્રાજકે એક સવાલ પૂછ્યો કે, “જેઓ બહારથી સ્નાનાદિ કરીને શુદ્ધ થતા નથી તેઓ અંદરથી આત્માથી કદી શુદ્ધ થઈ શકે ખરાં ?" થાવગ્સાપુત્રે શુકને વળતો સવાલ કર્યો કે, “લોહીવાળું વસ્ત્ર લોહીથી શુદ્ધ થાય ખરું ?" શુક્ર પરિવ્રાજકે તેનો જવાબ નકારમાં આપ્યો. એટલે ગુરુ બોલ્યા કે, “બહારનું શરીર સ્નાન કરવામાં પાણીના અસંખ્ય જીવોની હિંસા થાય છે. આવી હિંસાથી અંદરનો હિંસક સ્વભાવી આત્મા શુદ્ધ થઈને અહિંસક બની જાય ખરો ? જેમ લોહીવાળું કપડું લોહીથી શુદ્ધ ન થાય તેમ હિંસક ક્રિયાથી હિંસક આત્મા અહિંસક-શુદ્ધ ન બની જાય. એ માટે તો એવા હિંસક સ્નાનનો ત્યાગ જ કરવો પડે.' આ ઉત્તર સાંભળીને શુક્ર પરિવ્રાજક પ્રતિબદ્ધ થયા ને તેમણે દીક્ષા લીધી. સુદર્શનની આંખમાં હર્ષના આંસુ ધસી આવ્યા. [23] વજુઆ શેઠ અને રાજીઆ શેઠની ધર્મભાવના ખંભાતના બે શેઠિયા હતા. વજુઆ શેઠ અને રાજીઆ શેઠ તરીકે તેઓ ઓળખાતા હતા. ભારત બહાર પણ તેમની ધંધાકીય ખ્યાતિ ચોમેર પ્રસરી હતી. પોર્ટુગીઝ-ગવર્નર તેમનો ખાસ મિત્ર હતો. એક વાર પર્યુષણ-પર્વ આવ્યા. બન્ને આઠેય દિવસના પૌષધમાં હતા. તે દિવસોમાં એક ઘટના બની ગઈ. ખંભાતના દરિયાની રક્ષા ચાંચિયાઓને સોંપવામાં આવી હતી. આ ચાંચિયાઓ ઉપર પોર્ટુગીઝ સૈનિકો તૂટી પડ્યા અને તેમને દરિયાઈ યુદ્ધમાં મહાત કરીને કેદ કર્યા. તમામ ચાંચિયાઓની કતલ કરી નાંખવા માટે એક લાઇનમાં ઊભા રાખવામાં આવ્યા. મોતથી કોણ ન ડરે ? બધા થરથર ધ્રુજતા હતા. તે વખતે એક ચાંચિયાએ હિંમત કરીને પોર્ટુગીઝ સરકારને કહ્યું, “સાહેબ ! તમે ભલે અમને મારી નાખો પણ અમારા શેઠિયાઓ સાથે તમારા ગવર્નરને ગાઢ મૈત્રી છે. તમે અમને જીવદયાના પરમ પવિત્ર ધાર્મિક દિવસોમાં જ મારશો તો તેથી અમારા શેઠિયાઓ ઉશ્કેરાશે અને તમારા ગવર્નર સાહેબ સાથેની મૈત્રીને મોટો ફટકો પડશે તેમ નથી લાગતું ?'
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |