Page Text
________________ જૈન ઇતિહાસની ઝલકો વિ.સં. ૧૩૧૮થી ૧૩૯૦નો હતો. તેમની પાસે અનેક વિદ્યા-સિદ્ધિઓ હતી આથી તેમના સમકાલીન રાજા મહમદ તઘલખ જૈન ધર્મ પ્રત્યે ઠીક ઠીક આકર્ષાયો હતો. એકદા મહાસંગી આચાર્ય ભગવંત શ્રી સોમપ્રભસૂરિજી સાથે આચાર્ય શ્રી જિનપ્રભસૂરિજીનું મિલન થયું. - આચાર્ય શ્રી સોમપ્રભસૂરિજીએ જિનપ્રભસૂરિજી મહારાજાની શાસનપ્રભાવકતાની ભારે અનુમોદના કરી, ત્યારે આચાર્ય શ્રી જિનપ્રભસૂરિજીએ તેમને કહ્યું, ““મારી શાસનપ્રભાવકતાની પાછળ મારે કોઈ કોઈ વાર - વિદ્યાસિદ્ધિના વિષયમાં- થોડી છૂટછાટો લેવી પડી છે માટે હું સાચો શાસનપ્રભાવક નથી. ખરા શાસનપ્રભાવક તો આપ છો કે જે પૂરેપૂરું શાસ્ત્ર-નીતિનું જીવન જીવી રહ્યા છો અને અનેકોને એવા સંયમભરપૂર જીવનના આગ્રહી બનાવી રહ્યા છો.” [16] ઉપમિતિ-ભવપ્રપંચાના કર્તા - સિદ્ધર્ષિ વિશ્વવિખ્યાત સંસ્કૃત ગ્રન્થ ઉપમિતિ-ભવપ્રપંચા કથા. એના રચયિતા-લેખક-શ્રી સિદ્ધર્ષિ નામના જૈન સાધુ હતાં. એમનો મુનિજીવન પૂર્વેનો કાળ સનસનાટીભર્યો છે. તેઓ ગૃહસ્થ જીવનમાં ભારે જુગારી હતાં. એક વાર જુગાર રમતાં પ૦૦ દ્રમ્મ સિવાય બધું હારી ગયા, પણ હજી દાવ ખેલવાની તીવ્ર ઇચ્છા હતી. તેમણે તે પ00 દ્રમ્મનો દાવ લગાવ્યો. જો 500 દ્રમ્પ ન આપું તો મારું માથું કાપી લેજો.” તેવું જુગારી-મિત્રોને કહ્યું. અને... સિદ્ધ હારી ગયો. 500 દ્રમ્મ લઈને તે ભાગ્યો. કોઈ જ્ઞાની ગુરુના ઉપાશ્રયમાં પેસી ગયો. જુગારીઓ પાછળ પડી ગયા. તેને સોંપી દેવાની વાત જુગારીઓએ ગુરુજીને કરી. પણ સિદ્ધના લલાટ ઉપર લખાયેલા અવ્યક્ત શબ્દો, “ભાવિનો મહાન શાસનપ્રભાવક' ગુરુજીએ વાંચી લીધા. જૈન શ્રાવકોને વાત કરીને પ૦૦ દ્રમ્પ અપાવીને ગુરુજીએ સિદ્ધને ભયમુક્ત કર્યો.” તરત જ ચરણોમાં પડી જઈને સિદ્ધ બોલ્યો, “આપે મને જીવન આપ્યું છે; હવે મને આપનો શિષ્ય કરો.” અને શુભ મુહૂર્ત સિદ્ધ, સિદ્ધર્ષિ (સિદ્ધ નામના ઋષિ) બની ગયા. [10] “ધોળા વાળ જેવો કોઈ ઉપદેશ નથી' જુઓ આ ધોળો વાળ !" માર્મિક રીતે રાણીએ પોતાના પતિ રાજા સોમચન્દ્રને કહ્યું. પત્ની સગર્ભા હતી અને પૂર્વે જન્મેલું બાળક હજી ઘણું નાનું હતું.
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |