Page Text
________________ 160 જૈન ઇતિહાસની ઝલકો જાય છે. ભારે ઠઠ જામી છે. કોલાહલનો સુમાર નથી. થોડી વારમાં મહારાજા વિક્રમ જાતે ત્યાં આવ્યા. તેમણે કહ્યું, “ઓ મુનિ ! શિવપિડિકાની આવી આશાતના કેમ કરી રહ્યા છો ? એમને તો આપે નમસ્કાર કરવા જોઈએ ને ?" બાવાએ કહ્યું, “જો નમસ્કાર કરીશ તો આ શિવપિંડિકા એકદમ ફાટશે. તને મંજૂર છે ?" વિક્રમ સંમતિસૂચક માથું હલાવ્યું. તરત જ બાવાએ નમસ્કાર કર્યા અને મોટા ધડાકા સાથે લિંગ ફાટ્યું. ભગવાન પાર્શ્વનાથની દિવ્ય પ્રતિમા પ્રગટ થઈ ગઈ. રાજા વિક્રમ તરત જ પરિસ્થિતિ પામી ગયો. તેણે સાશ્ચર્ય પૂછયું, “શું આપ કોઈ જૈન મુનિ છો ? પણ વેશ તો જોગીનો દેખાય છે ?' “હા, હું જૈન મુનિ સિદ્ધસેન દિવાકરસૂરિ છું” બાવાના વેપમાં રહેલા સૂરિજીએ કહ્યું, વર્ષો પૂર્વનો ઇતિહાસ આંખ સામે ખડો થઈ ગયો. સંઘે સૂરિજીને વીનવીને સાત વર્ષે જ ફરી ગચ્છમાં લીધા. રાજા વિક્રમ એમનો ભક્ત બન્યો. પાંચ શ્લોકોની પ્રશસ્તિ સંભળાવીને રાજા વિક્રમને પ્રમુદિત કરીને ચુસ્ત જૈન બનાવ્યો. એક વખત સૂરિજીએ શત્રુંજય તીર્થનું માહાસ્ય સમજાવ્યું. રાજા વિક્રમે વિમલાચલનો ભવ્ય સંઘ કાઢ્યો, આખા પર્વતનો જીર્ણોદ્ધાર કરાવ્યો. પછી ગિરનારતીર્થની યાત્રા કરી. બન્નેય ગુરુ શિષ્ય ઉજ્જયિની તરફ પાછા વળ્યા. સિદ્ધસેનસૂરિજીની પ્રાયશ્ચિત્તરૂપ ત્રણેય પ્રતિજ્ઞાઓ પૂર્ણ થઈ. કેવા હતા એ શાસનપ્રભાવક સૂરિદેવ કે જેમના એકેકા શ્લોકે રાજા વિક્રમ એકેકી દિશાનું સમગ્ર સામ્રાજ્ય ચરણે ધર્યું હતું. છતાં તેનો અસ્વીકાર કરીને રાજા વિક્રમને તેના હૃદયમાં જિનશાસન સ્થિર કરવાનું કહ્યું હતું! જેમણે રાજા વિક્રમ પાસે સિદ્ધાચલજીનો સંઘ કઢાવ્યો હતો, જેમાં પાંચ હજાર આચાર્યો હતા, 70 લાખ શ્રાવક-કુટુંબો હતાં ! આ સંઘ દ્વારા જેમણે ગામેગામ અપૂર્વ શાસનપ્રભાવના કરી હતી ! વંદન હો એ કવિવર શાસનપ્રભાવક સૂરિદેવને ) [268] ઉદો વાણિયો અને સાધર્મિક ભક્તિ એ અતિ ગરીબ હતો, ઉદો. ગરીબીનો ઉપાય કરવા માટે તે કર્ણાવતીમાં આવ્યો.
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |