Page Text
________________ જૈન ઇતિહાસની ઝલકો 129 આમંત્રણ અપાયું હતું. એ બધાય આ દશ્ય જોઈને અચંબો પામી ગયા. જૈનધર્મની હેલનાની ભંયકર હોનારત અટકી ગઈ. મુનિએ કમાલ કરી નાખી ! (3) સૂરાચાર્યને મારી નાખવા તત્પર બનેલા ભોજથી તેમની રક્ષા કરવા માટે કવિ ધનપાળે સૂરાચાર્યને બાહ્યથી ગૃહસ્થના વેષમાં ધારાનગરીમાંથી નસાડ્યા હતા. (4) ધર્મપ્રભાવના માટે વજસ્વામીજી વિમાનમાં પુષ્પો લાવ્યા હતા. રાજા સહિત આખી પુરી-નગરીને બૌદ્ધમાંથી જૈન બનાવી હતી. (5) મુનિ વિષ્ણુકુમારને જૈનધર્મદ્રષી નમુચિને પગ નીચે દબાવીને સખત સજા કરવી પડી હતી. માફી માંગતા તેને છોડી દીધો હતો. આ માટે વિષ્ણુકુમારજીને ક્રોધ લાવવા માટે ખૂબ પ્રયત કરવો પડ્યો હતો. (6) પાદલિપ્તસૂરિજી મહારાજાને પોતાના જીવતે જીવ-સ્મશાનયાત્રા કાઢવાનું નાટક કરવું પડ્યું હતું. જેમાંથી તેમને પૂરી સફળતા મળતાં શાસન હેલના અટકી ગઈ હતી. [235] સિદ્ધસેન પંડિત સિદ્ધસેન પંડિતને પ્રતિજ્ઞા હતી કે તેને જો કોઈ વાદમાં હરાવી દે તો તેણે તેમના આજીવન શિષ્ય થવું. તેને કોઈએ કહ્યું કે, તમે ગમે તેટલા વાદીઓને જીત્યા હોય પણ વૃદ્ધવાદિદેવસૂરિ નામના જૈનાચાર્યને ન જીતો ત્યાં સુધી બધું નકામું.” તરત સિદ્ધસેને તે જૈનાચાર્યની તપાસ કરાવી. તે વખતે તેઓ ભરૂચમાં હતા. સિદ્ધસેન જે દી ભરૂચ પહોંચ્યા તે જ દી તે સૂરિજીએ ત્યાંથી વિહાર કર્યો હતો. સિદ્ધસેન ઝપાટાબંધ ચાલવા લાગ્યો. રસ્તામાં જ સૂરિજીને પકડી પાડ્યા. રસ્તામાં જ ગાડર ચરાવતા રબારીઓને લવાદ તરીકે નીમી દઈને તેણે સૂરિજી સાથે વાદ કર્યો. તેની પાંડિત્યભરી ભાષાનું ભાષણ રબારીઓને સમજાયું તો નહિ પરંતુ તેઓ કંટાળી ગયા. પછી સૂરિજીનો વારો આવ્યો. તેમણે રબારીઓની મનઃસ્થિતિ જાણીને “નવિ મારીએ. નવિ ચોરીએ.” વગેરે લીટીઓ બોલવા સાથે કચ્છો બાંધીને ગોળાકારે તાબોટા લેવાનું જે શરૂ કર્યું કે રબારીઓ ઝાલ્યા રહી ન શક્યા. તેઓ બધાય તેમની સાથે ગોળાકારે તાબોટા લેતા તે લીટીઓ બોલવા લાગ્યા. રબારીઓએ સૂરિજીની તરફેણમાં ચુકાદો આપ્યો.
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |