Page Text
________________ 12 5 જૈન ઇતિહાસની ઝલકો પોતાનાથી થયેલી યુદ્ધકીય વગેરે હિંસાઓના પ્રાયશ્ચિત્ત રૂપે જૈનાચાર્ય વર્ધમાનસૂરિજીએ આબુનાં જિનમંદિરો બનાવરાવ્યાં. છેલ્લા વર્ષોમાં વિમળ મંદિરોના નિર્માણકાર્યમાં જ લીન રહ્યાં. અનેક પ્રકારની ભંભેરણીથી ભોળવાઈ જતા, કાચા કાનના રાજા ભીમે વિમળને મારી નાખવાના અનેક નિષ્ફળ પ્રયતો કર્યા હતા. એક વાર વાઘને બરોબર છંછેડ્યા પછી તેને કબજે કરવા માટે વિમળને મોકલવામાં આવ્યો હતો. વિના શત્રે વાઘ પાસે જઈને તેના મોંમાં હાથ ઘાલી દઈને કાન પકડીને તેને પીંજરામાં પૂરી દીધો હતો. બીજી વાર મહામલ્લ સાથે કુસ્તી કરવાનું ભીમે ગોઠવ્યું. તેમાં મલ્લને જુદા જુદા દાવ અજમાવવા દીધા પછી એક જ ધડાકે લોહીલુહાણ કરીને ચિત્ત કરી દીધો હતો. [32] ચેડામહારાજા અને કોણિકનું યુદ્ધ મગધપતિ શ્રેણિકે કોણિકને રાજ આપ્યું; તેના બીજા બે ભાઈઓ-હલ્લ વિહલ-ને સેચનક હાથી તથા મૂલ્યવાન હાર તથા કુંડળો આપ્યાં. આ રીતે પાડવામાં આવેલા ભાગથી કોણિકની પત્ની પદ્માવતીને સંતોષ ન થયો. તેણે રીસે ભરાઈને તે આભૂષણો પોતાને મળવાં જોઈએ તેવો પતિ પાસે આગ્રહ રાખ્યો. તેની અતિ જીદના કારણે લાચારીથી કુણિકને હલ્લ-વિહલ્લ પાસે તેની માગણી કરવી પડી. તેમણે સાફ ના પાડી અને તેઓ સ્વરક્ષા માટે મામા ચેડા મહારાજા પાસે ચાલ્યા ગયા. કોણિકે ચેડા મહારાજાને કહ્યું કે, “મારા ભાઈઓ મને સોંપી દો, નહિ તો યુદ્ધે ચડો.” અને જંગની નોબતો બજી ગઈ. ચેડા મહારાજાને રોજ એક જ બાણ છોડવાની પ્રતિજ્ઞા હતી. તેમણે દસ દિવસમાં દસ બાણ છોડીને કણિકના કાળ વગેરે દસ ભાઈઓને મારી નાખ્યા. અગિયારમા દિવસે પોતે મરશે” એ ભયથી કોણિકે યુદ્ધ બંધ કરીને અઠ્ઠમ તપની આરાધના કરી. તેથી સૌધર્મેન્દ્ર અને ચમરેન્દ્ર પ્રત્યક્ષ થયા. કોણિકે તેમને ચેડાને ખતમ કરવા જણાવ્યું પણ બન્ને દેવેન્દ્રોએ તેના જેવા મહાશ્રાવકની હત્યા કરવામાં સાથ આપવાનો નિષેધ કરી દીધો. માત્ર તેમનાથી કોણિકનું રક્ષણ થાય તેટલી જ મદદ કરવાની તૈયારી દાખવી.
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |