________________ જૈન ઇતિહાસની ઝલકો 109 એક દી શેઠે જયતાકને ઉજાણીમાં વાપરવા માટે પાંચ કોડી ભેટ આપી. પોતાની માલિકીના બનેલા એ દ્રવ્યમાંથી તેણે અઢાર પુષ્પો ખરીદીને ઊછળતા ભાવે પ્રભુભક્તિ કરી. આથી જ તેણે અઢાર દેશની માલિકીનું પુણ્ય બાંધ્યું. યથાસમયે મૃત્યુ પામીને જયતાક કુમારપાળ થયો; ઓઢર ઉદયન મંત્રી ચાર આત્માઓના યોગ-અનન્યોગ ! [26] ઝાંઝણનો સંઘ માંડવગઢમંત્રી પેથડશાના પુત્ર ઝાંઝણે વિ.સં. ૧૩૪૦માં એકદા સિદ્ધગિરિનો સંઘ કાઢ્યો હતો. તેમાં જૈનાચાર્ય ધર્મઘોષસૂરીશ્વરજી મહારાજા સહિત એકવીસ આચાર્યો હતા. રસ્તામાં કર્ણાવતી આવ્યું. સંઘે ગામ બહાર પડાવ નાંખ્યો. નરેશ સારંગદેવે ઝાંઝણને આમંત્રણરૂપે જણાવ્યું કે, “તમારામાં જેટલા મુખ્ય હોય તે બે-ત્રણ હજાર ભાઈ-બહેનો મારા મહેલે ભોજન માટે પધારો.” સંઘમાં પૂરા અઢી લાખ માણસો હતા. સંઘપતિ ઝાંઝણે જવાબ વાળ્યો કે, “મુખ્ય અને ગૌણ એવા બે ભેદ મારા સંઘમાં નથી. આપ જણાવો તો અઢારે કોમને જમવા માટેનું આમંત્રણ આપું છું. આપ લાગતાવળગતા તમામ રાજવીઓ ગુજરાતની પ્રજા દ્વારા મારું આમંત્રણ પાઠવશો એવી આશા રાખું છું. મારા શ્રી સંઘના કાર્યની પૂર્ણાહુતિ થાય ત્યાર પછીના આપ જણાવો તે કોઈ પણ પાંચ દિવસમાં હું આ કાર્ય કરીશ.' સારંગદેવની કૃપણતાને ઝાંઝણની આ લપડાક સખત વાગી ગઈ. તેણે પણ ઝાંઝણને બેઆબરૂ કરવા માટે કમર કસી. ચારે બાજુ જમણ માટે મુકરર કરેલા પાંચ દિવસોની જાણ કરવામાં આવી. અને... સમગ્ર ગુજરાતનું જમણ શરૂ થયું. લગાતાર પાંચ દિવસ સુધી રોજના પાંચ લાખ માણસોએ જુદાં જુદા સ્થળોએ ઊભા કરાયેલા નાનામોટા રસોડા ઉપર લાભ લીધો. છઠ્ઠા દિવસે ઝાંઝણ સારંગદેવ પાસે ગયો. રાજાએ તેને ખૂબ ધન્યવાદ આપ્યાં. ઝાંઝણ તેમને પોતાના રસોડા ઉપર લઈ ગયો. ત્યાં જોયું તો હજી બીજા હજારો માણસો જમી શકે તેટલી મીઠાઈ ભરપૂર પડી હતી. સારંગદેવ મોમાં આંગળાં નાંખી ગયો.
