Page Text
________________ જૈન ઇતિહાસની ઝલકો 105 માટે ડોશી વાંકી ને વાંકી જ ઊભી રહી. જ્યાં સુધી પ્રભુની દેશના પૂરી ન થઈ. ઠેઠ ત્યાં સુધી ડોશી લાકડું લેવા માટેની મુદ્રામાં સ્થિર રહી ગઈ ! અહો ! પ્રભુ ! કેવું હશે આપની વાણીમાં માધુર્ય કે ડોશી કારમી ભૂખ, તરસ અને ભયંકર થાક.. બધું ય ભૂલીને એના રસપાનમાં એકાકાર બની ગઈ ! કવિઓએ સાચું જ કહ્યું છે કે, “જિનમુખ દીઠી વાણી, મીઠી સુરતરુ વેલડી.” [202] આરસ કે વારસ ? આબુ ઉપરનાં જિનાલયના નિર્માણમાં વિઘ્નો આવતાં હોવાથી વિમળ મંત્રીએ અક્રમ કરીને અંબિકાજીનું સાનિધ્ય મેળવ્યું. વિમળના ધર્મપત્નીનો ખોળો હજી ભરાયો ન હતો એટલે તેમની ઇચ્છા દેવી પાસેથી સંતાનપ્રાપ્તિનું વરદાન મેળવવાની હતી. દેવીએ તેમના મનોભાવો જાણીને કહ્યું, “હું તમારી ઉપર પ્રસન્ન છું, પણ તમે એક જ વરદાન માંગો; કાં મંદિરના નિર્વિઘ્ન નિર્માણનું કાં સંતાનપ્રાપ્તિનું (કાં આરસનું, કાં વારસનું).” આ અંગે દંપતિએ વિચાર કરવાનો સમય માંગ્યો. બીજે દિવસે પહાડમાં ફરતાં ફરતાં તેઓ વિચાર કરતાં હતાં. ત્યાં તેમને પાણીની તરસ લાગતાં વાવમાં ઊતર્યા. જ્યાં ખોવાથી પાણી પીવા જાય છે ત્યાં પાછળથી કોઈ છોકરો દોડતો આવ્યો અને કહેવા લાગ્યો કે, “વાવનું પાણી પીતા પહેલાં મને તેના પૈસા આપો. આ વાવ મારા પિતાની છે. મારી આર્થિક સ્થિતિ નબળી પડી ગઈ હોવાથી મારો જીવનગુજારો વાવના પાણી ઉપર લાગો (પૈસા) લેવાથી જ થાય છે.' આ સાંભળીને વિમળે પત્નીને કહ્યું, “લે સાંભળ ! કાલે આપણા જિનાલયમાં દર્શન કરવા આવતા લોકો પાસેથી દીકરી પૈસા માંગશે તો ? માટે દીકરી નથી માંગવો. કબૂલ ?" પત્નીએ તરત કબૂલ કર્યું. દેવીએ મંદિરનિર્માણના વિદ્ગોને દૂર કરી દીધાં. [203] આદિનાથ પ્રભુએ જણાવેલો તીર્થ-વિચ્છેદ સમય એક વાર ધર્માત્મા ભરતે પરમાત્મા આદિનાથ પ્રભુને સવાલ કર્યો કે, એવો કોઈ સમય આવશે કે જયારે તીર્થ-વિચ્છેદ થશે ? જો તેવો સમય આવનાર હોય તો તેમાં નિમિત્ત કોણ બનશે ?'
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |