Page Text
________________ જૈન ઇતિહાસની ઝલકો 101 આ બાજુ પક્કા જૈનધર્મી ગૂર્જરનરેશ વનરાજને જગન્નાથજીની જિનપ્રતિમાના ખંડનની ખબર પડતાં પુષ્કળ ઉશ્કેરાયો. આ મૂર્તિખંડનમાં માલવરાજ અને સુઘન્ડા - બે રાજાઓએ રસ લીધો હતો. એટલે તેમની સામે યુવરાજ યોગરાજને વિપુલ લશ્કર લઈને મોકલવામાં આવ્યો. બીજી બાજુથી આમરાજ, ગૌડરાજ વગેરે પણ વિશાળ લશ્કરો સાથે જોડાયા. ભયંકર યુદ્ધ થયું. માલવરાજે મોમાં તણખલું લઈને શરણાગતિ સ્વીકારી. સુધન્વાને પિંજરામાં જીવતો કેદ કરાયો. બન્ને પાસેથી કરોડોનો દંડ લીધો અને હવે પછી આવું કાર્ય નહિ કરવાની સખત ધમકીની ભાષામાં ચેતવણી આપીને રવાના કર્યા. [196] બાણ અને મયૂર પંડિત | રાજા ભોજની સભામાં મયૂર અને બાણ નામના બે મહાન પંડિતો હતા. પરસ્પર બેય ખૂબ ઈર્ષાળુ હતા. એકદા મયૂર પંડિતને કોઢ થયો, પણ સૂર્યની સાધના કરીને તે મટાડી દેતાં રાજસભામાં તેનું માન ખૂબ વધી ગયું. આથી બાણ કવિ વધુ ઈર્ષ્યા કરવા લાગ્યો. હવે તેણે પોતાનો પરચો બતાવવા માટે જાતે પોતાના હાથપગ કાપી નાખ્યા. પછી ચંડિકાની સાધનાથી હાથ-પગ પાછા અખંડ કરી દીધા. આથી હવે બાણ-કવિનીય રાજસભામાં જયજયકાર થયો. એક વાર પરમ જૈનધર્મી હેમરાજ શેઠને રાજા ભોજે પૂછ્યું કે, તમારા જૈનોમાં મારા પંડિતો જેવો કોઈ સમર્થ પ્રભાવક પુરુષ છે ખરા ?" હેમરાજ શેઠે માનતુંગસૂરિજી મહારાજાનું નામ આપ્યું. રાજાએ તેમને માનપૂર્વક બોલાવીને કોઈ ચમત્કાર દાખવવા જણાવ્યું. જબ્બર શાસનપ્રભાવનાનું નિમિત્તે જાણીને સૂરિજીએ કહ્યું, “તમે મને વધુમાં વધુ સાંકળોથી બાંધીને એક ખંડમાં પૂરી દો; હું મારી જાતે ચાલીને બહાર નીકળી જઈશ.” રાજાએ ચુમ્માલીસ સાંકળોથી સૂરિજીને બાંધ્યા અને એક ઓરડામાં સખત રીતે પૂર્યા. સૂરિજીએ તે વખતે ભક્તામર સ્તોત્રની રચના કરી. એકેકી કડી બોલતા ગયા અને એકેકી સાંકળ તૂટતી ગઈ. છેવટે ખંડના દ્વાર પણ ખૂલી ગયાં. સૂરિજી ચાલતા બહાર આવ્યા. આથી રાજા ભોજને જૈનધર્મ પ્રત્યે ખૂબ માન પેદા થયું. સૂરિજી સાથેનો સંબંધ ઉત્તરોત્તર ગાઢ બનવા લાગ્યો. આથી અજૈન પંડિતોને સૂરિજી ઉપર ભારે ઈર્ષ્યા થવા લાગી.
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |