Page Text
________________ જૈન ઇતિહાસની ઝલકો 97 થયું. જિનપાલિત અને જિનરક્ષિતને દક્ષિણ દિશામાં ભૂલથી પણ નહિ જવાનું આગ્રહપૂર્વક જણાવીને તે રવાના થઈ પણ બે ભાઈઓને તે જ દિશામાં જવાનું કુતૂહલ થયું. તેઓ ત્યાં ગયા. ત્યાં મરવાના વાંકે જીવતા મડદાલ જેવી કાયાવાળા અનેક શૂળી ઉપર લટકેલા પુરુષો જોયાં. તેમની પાસેથી જાણવા મળ્યું કે, “તે દેવી અને કોની સાથે ભોગો ભોગવીને છેલ્લે આ રીતે લટકાવી દે છે.” તેમની સલાહ મળી કે બે ભાઈઓએ બચવાનો એક જ ઉપાય છે કે તેઓ નજીકના શેલક યક્ષના મંદિરે જાય. તેની પૂજાદિથી તે પ્રસન્ન થઈને પૂછે તો કહેવું કે, “અમારી રક્ષા કરો.” બે ભાઈઓએ તેમ કર્યું. રક્ષાની માંગણી થતાં શેલક યક્ષે પોતાનું શરીર મસમોટું બનાવ્યું અને પીઠ ઉપર બંનેયને બેસાડી દીધા. એક અગત્યની સૂચના કરી કે, “કોઈ પણ વ્યક્તિ તમને પાછળથી કાકલૂદી કરીને પણ બોલાવે તો ય તમારે પાછળ જોવું નહિ.” શેલક યક્ષ ચંપાનગરી તરફ ઊડતો જવા લાગ્યો. આ બાજુ કાર્ય પૂરું થતા રત્નાદેવી પાછી ફરી. બધી વાતની ખબર પડતાં તે અત્યંત ક્રોધાંધ બની ગઈ. બે ભાઈઓની પાછળ પડી. બંનેયને પાછા ફરવા ઘણા વિનવ્યા પણ કોઈ ન માન્યું. છેવટે પાછળ જોવા માટે કહ્યું તે ય ન માન્યું. પણ જ્યારે અતિ કરણ વિલાપ સાથે તેણે એક વાર પાછળ જોવાનું કહ્યું ત્યારે જિનરક્ષિતનું મન લલચાઈ ગયું. તેણે તેની સામે જોયું. જોતાંની સાથે જ તેને ત્રિશૂળ પર ઊંચકી લીધો તેની કાયાના ફુરચેફુરચા ઉડી ગયાં. | (છોડી દીધેલા વિષયભોગોની સામે જે જુએ છે. તેના દુર્ગમ ગતિમાં ભુક્કા નીકળી જાય છે.) [192] ધન્ય શેઠ અને વિજય ચોર ધન્ય અને ભદ્રા નામના શેઠ-શેઠાણીએ ઘણી માનતા વડે પુત્ર પ્રાપ્ત કર્યો. નામે દેવદિન. ભારે ઘરેણાં સાથે દેવદિન્તને નોકર ફરવા લઈ જતો. એક દિ' તેને જોઈને વિજય નામના ચોરની બુદ્ધિ બગડી. યુક્તિથી દેવદિન્નને નોકરથી છૂટો પાડીને ઘરેણાં લઈ લીધાં અને ગળું દબાવીને બાળકને પણ મારી નાંખ્યું. માતાપિતાને સખત આઘાત લાગ્યો. રાજ્યમાં ફરિયાદ કરી. વિજય ચોર પકડાયો. તેને જેલમાં સખત ભૂખમરા સાથે પૂર્યો.
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |