________________ પ્રકાશકીય પરમ શ્રધ્યેય પૂ. આ. ભુવનભાનુસૂરિ મ.સા. એટલે ચાંદનીના પ્રકાશમાં કલમને કંડારતા એક વિરલ મહાપુરુષ... અનેક વિષયો ઉપર પૂજ્યશ્રીએ અભુત ચિંતન દ્વારા દિવ્યદર્શન સાપ્તાહિકના માધ્યમે આપણી સામે જ્ઞાનનો પ્રકાશ પાથર્યો. એમાં જૈનધર્મ અને કર્મવાદ, જૈનધર્મનું અજોડ વિજ્ઞાન-ભૌતિક વિજ્ઞાન આદિ વિષયો ઉપર વર્ષો પૂર્વે પૂજ્યશ્રીએ અભુત પ્રકાશ પાથર્યો હતો જે દિવ્યદર્શનના સં. 1958 થી 1970 સુધીના અંકોમાં પ્રકાશિત થયેલ. આ બધા અંકોને ક્રમશઃ તે તે વર્ષની ફાઈલમાંથી કાઢી પરમ ગુરભક્ત મુનિશ્રી કલ્ચરત્નવિજયજી મ.સા. એ જૈનધર્મનું અજોડ કર્મવિજ્ઞાન” આ ૮૪માં પુસ્તક રૂપે આપણી સમક્ષ મૂક્યું છે તે બદલ પૂજ્ય મુનિરાજનો અંત:કરણ પૂર્વક આભાર માનું છું. સાથો સાથ આ પુસ્તકમાં દ્રવ્ય સહાયરૂપે સહાયક થનાર શંખલપુરવાળા પરિવારનો તેમજ શાસનના અનેક કાર્યોમાં વ્યસ્ત હોવા છતાં પૂજ્યપાદશ્રીના ઉપકારને યાદ કરી ૫.શા પ્રભાવક પ્રવચનકાર પૂ. આચાર્યદેવશ્રીમદ્ વિજય મુનિચંદ્રસૂરીશ્વરજી મ.સા. એ “ચાંદનીનો પ્રકાશ” પ્રસ્તાવના રૂપે લખી આપી તેમજ આ પુસ્તકને સુંદર ગેટઅપ આપવામાં સહાય થનાર નવભારત સાહિત્ય મંદિરવાળા સુશ્રાવક મહેન્દ્રભાઈનો આભાર માનું છું. - દિવ્યદર્શન ટ્રસ્ટ કુમારપાળ વી. શાહ
