________________ સૂરિ પ્રેમ ગુરુ વંદનાષ્ટક સંયમ ને સ્વાધ્યાય તણા જે, હતા પ્રેમની મૂરતિ, સમ્યગ દર્શન કેરી છોળો, જીવનમાં ઝગમગતી; ત્યાગ ને તપ જીવનમાં જેની, રગરગમાં નીત વહેતો; સૂરિ પ્રેમના ચરણોમાં સહુ, સંઘ સદાયે નમતો... 1 બ્રહ્મચર્યની રક્ષા કાજે, સદાય જાગૃત રહેતા, કમ્મ પયડીના શાસ્ત્રો કેરું, નવલું સર્જન કરતાં; પ્રેમ વાત્સલ્યને કરુણા કેરી, હતી એ સાક્ષાત્ મૂરતિ, સૂરિ પ્રેમ ઉગારો અમને, ભવ અટવીના ભયથી... 2 રત્ન હતું એ મરભૂમિનું, પ્રેમચંદભાઈ નામે, સંયમ લઈ બન્યા પ્રેમવિજયજી, સિદ્ધાચલજી ધામે; વિરતિ રંગે સમતા સાધી, હૈયે મૈત્રી કરુણા, જ્ઞાન ધ્યાનને ત્યાગ તપનો, વારસો આપ્યો જગમાં...૩ મૈત્રી કરુણા કેરા ભાવો, હૈયામાં ખૂબ વહેતા, સ્વપર ગચ્છ તણાં સાધુનું હિત સદા ચિંતવતા; જયણા અને સંયમની ચિંતા, નિશદિન હૈયે રમતી, એવા સૂરિવર પ્રેમના ચરણે, વંદના કોટિ કોટિ... 4 સુવિશુદ્ધ સંયમ પાલનને, કાજે ચિંતા ધરતા, નાના મોટા અનેક સાધુની, ભેટ શાસનને કરતા, મુનિજનોના વતની ચિંતા, નિશદિન હૈયે ધરતા, સૂરિ પ્રેમના ચરણે ભક્તો, શિશ નમાવી રહેતા... 5 મુનિ ગણોના નમન સ્વીકારી, સફલ કરો અમજીવન, આપો એવું બળ અમ સૌને, જેથી દીપે સંયમ; ધર્મ કીરતિ કર જોડી વિનવે, દેજો આશિષ હરદમ ઉપકારી ગુરુ પ્રેમ ચરણમાં, નિતનિત હોજો વંદન...૬ શ્રી સિદ્ધાંત મહોદધિ વળી ગુરુ વાત્સલ્ય અબ્ધિ બની, આત્મ તેજ જગાવવા સિંહ પરે, કાયા તપાવી અતિ, સાધતા ભર પ્રાણ રૂપ યતના ચિત્તે વહેતી હતી, માંગ આશિષ સૂરિ પ્રેમ ચરણે આપો સદા સન્મતિ... 7 ન્યાયશાસ્ત્રને તર્કશાસ્ત્રની, કુસુમ કેરી માળથી, કમ્મપયડી સાહિત્યની, સેવા કરી તે ભાવથી, સુવિશાલ ગચ્છાધિપતિ સૂરિ પ્રેમના કરકમલમાં, સ્વીકારજો મુનિ કલ્પ કેરી, ભાવભીની વંદના... 8 (6)
