________________ સામાયિક વગેરે જે આચર્યા એ નવા શુભ કર્મના હિસાબ માંડી આપે છે. માટે એ સાચી કમાણી છે, સાચી સંપત્તિ છે અને એ હિસાબ જ આગળ પરલોકે આવે છે. રૂપિયા લાખો-કરોડો કમાયા એ સાથે ન આવે, કેમકે એણે તો પૂર્વ ભવના શુભ કર્મના હિસાબ ચૂકતે કરી દીધા પરંતુ નવલાખ નવકાર સ્મરણ કમાયા એ સાથે આવે કેમકે એથી નવા શુભના હિસાબ મંડાઈ ગયા. જે પરભવે ચૂકતે થશે તેમ નવા શુભસંસ્કાર જમા થઈ ગયા જેપરલોકમાં નવાંધર્મખાતાં ખોલી આપશે, અર્થાત ધર્મસાધનાઓ ઊભી કરી આપશે. જૈનધર્મ હૈયે વસ્યો છે? તો આ આત્મ સંપત્તિની જ કમાણીને સાચી કમાણી લેખો અને હૈયે એની હુંફ ધરો. વિદ્યાપતિ શેઠ પાસે ધન ઘણું હતું, પરંતુ એને એ ખરી સંપત્તિ માનતો નહોતો. તેથી એક રાતે જ્યારે સ્વપ્નમાં લક્ષ્મીદેવીએ કહ્યું, આજથી દશમે દિવસે જઈશ' ત્યારે એને હૈય જરાય આઘાત ના લાગ્યો. એને અફસોસ એટલો થયો કે અરેરે ! આ ધનસંપત્તિ તો મારી સાચી સંપત્તિ હતી જ નહિ, પણ સાચી સંપત્તિ દાનસંપત્તિ, એ તો. મેં કમાઈ જ નહિ. છતાં ખેર ! આ સારું થયું કે લક્ષ્મીદેવીએ મને જાગ્રત કર્યો; હવે એ સંપત્તિ કમાઈ લઉં.' સવારે શ્રાવિકાને સ્વપ્નની વાત કરીને પૂછે છે, “કેમ બોલો શું કરવું છે?' શ્રાવિકા કહે, “તમે શું વિચાર્યું છે ?' શેઠ બોલ્યા, “મેં? મને તો એમ થયું કે આ અત્યાર સુધી થાપા ખાધી. જુઓ, આ સંપત્તિ સાચી સંપત્તિ નહોતી, કેમકે એ તો પૂર્વના પુણ્યકર્મનો હિસાબ માત્ર ચૂક્ત થયો હતો અને આપણે આપણી સાચી સંપત્તિમાની બેઠા. કોઈ દેવાદાર દેવાના રૂપિયા પાંચ હજારશાહુકારને ત્યાં જમા કરી આવે એ થોડી જ પોતાની સંપત્તિ શાહુકારને ત્યાં પડેલી ગણાય? એ તો હિસાબ ચૂક્ત થયો કહેવાય. એ તો હવે નવા રૂપિયા 126 અનોખો વાર્તાસંગ્રહ)
