________________ આ દ્વાદશાંગી અને ચતુર્વિધ સંઘની પરંપરા આજ સુધી ચાલી આવી છે અને બીજા સાડા અઢાર હજાર વર્ષ ચાલશે. આ રીતે વીરપ્રભુનું શાસન 21 હજાર વર્ષ સુધી અવિચ્છિન્નપણે ચાલશે. દ્વાદશાંગી અતિ વિસ્તૃત હતી. કાળક્રમે મેધા ઓછી થતા બારમા અંગ દૃષ્ટિવાદનો વિચ્છેદ થયો. અગિયાર અંગમાંથી પણ ઘણું ખરું ચાલ્યું ગયું. સ્વયંભૂરમણસમુદ્ર જેવી વિશાળ દ્વાદશાંગીમાંથી હાલ માત્ર એક લોટા પાણી જેટલા અગિયાર અંગો રહ્યા છે, પણ મહત્ત્વની વાત એ છે કે હાલ થોડા રહેલા એવા પણ આ અગિયાર અંગો એ નિર્મળ છે, વિશુદ્ધ છે. આમાં કોઈપણ ઘાલમેલ થઇ નથી. જો કે આમાં ક્યાંક થોડી અર્થમાં ફેરફારની સૂત્રમાં ફેરફારની હીલચાલો દેખાય છે. આ બધાને અમારી લાલબત્તી છે કે..... પ્રભુના વચનમાં એક અક્ષરનો પણ ફેરફાર કરનાર અનંત સંસાર વધારનાર બનશે.....” સાથે સુવિહિત આચાર્યો અને મુનિઓને પણ વિનંતી છે. કે આપણા સુધી બીલકુલ શુદ્ધ જરાપણ ભેળસેળ વિના આવેલા અગિયાર અંગોને તથા તેના આધારે નિર્માણ થયેલા શાસ્ત્રોને શુદ્ધ રાખવાની આપણી પણ અત્યંત ફરજ છે. આપણે કોઈ પણ હિસાબે આ અગિયાર અંગોની તથા બારમા અંગ દૃષ્ટિવાદના અંગભૂત ચૌદપૂર્વો વગેરેના આધારે રચાયેલા શાસ્ત્રો જે આજે ઉપલબ્ધ છે તેની સંપૂર્ણ રક્ષા કરવાની છે. રક્ષા બે રીતે કરવાની છે. (1) આમાં કંઇપણ ફેરફાર ન થાય.
