________________ ગુણ : પ્રગટ કરવાના. સૂત્ર આત્મામાં પરિણામ પામે તો અર્થ દ્વારા ગુણને પ્રગટ કરે. સૂત્ર સમતારૂપી અમૃતથી સીંચાયેલા છે. સૂત્ર શ્રદ્ધાપૂર્વક ભણવામાં આવે તો આત્મા ભાવિત થતો જાય અને સમતારૂપી રસ મેળવતો જાય. પછી એ વગર વિચાર્યું ભાવિત થતો જાય. સૂત્રથી ચિત્તને એવું ભાવિત કરવાનું કે અંદર સ્વાધ્યાયની રમણતા થાય.દિવસે ભણેલું રાતે પુનરાવર્તન કરવાનું તો મોહરાજા પ્રવેશી ન શકે. જેના ઘરના દ્વાર પર દ્વારપાળ ઊભા હોય તેના ઘરમાં કોઈ અંદર ન આવી શકે. આપણે જાગતા પણ સ્વાધ્યાય નથી કરતાં. સ્વાધ્યાય એવો કરવાનો કે શરીર ઊંઘતું હોય, મન સૂતું ન હોય. રાત્રે સૂતા પહેલાં 1 પહોર સ્વાધ્યાય કરીને સૂવાનું છે. સંસારના વ્યવહાર ઘટાડો એટલો આત્માનો વ્યવહાર વધે. ખાન-પીના-સોવના–મિલના–વચન વિલાસ, જ્યાં જ્યાં પાંચ ઘટાઈએ, ત્યાં ત્યાં ધ્યાન પ્રકાશ.' ખાવાનું પીવાનું સુવાનું– ઈદ્રિયોની વિકૃતિથી મન ચંચળ થાય.ચંચળ મનને વાતો જોઈએ, વિલાસ ભાવો-હાસ્યાદિ ઠઠ્ઠામશ્કરી વિકથા શરૂ થાય. આ પાંચથી જે રંગાઈ જાય છે તે કદી આત્મરમણતા કરી ન શકે. દોડતું મન સ્વાધ્યાયથી સિંચાતું નથી. જગતમાં દોડાદોડ કરશે. મિથ્યાત્વના ઉદયથી આત્મા તીવ્ર કષાયના કારણે હિંસાદિ પાપો ઉપાર્જન વડે અનુબંધવાળા કર્મોના કારણે ૭મી નરકાદિ દુર્ગતિની પરંપરા સર્જે. ૭મી નરકમાં અનુબંધ પૂર્ણ કરવાની શક્યતા ઓછી. નરક-તિર્યંચ આદિ ભવોની પરંપરા ચાલ્યા જ કરે. - મિથ્યાત્વથી રંગાયેલા મનને સમ્યકત્વના સમતાના રંગથી રંગવું પડે. તત્ત્વમય બન્યા પછી સમતા રસની કમાણી જેને થઈ છે તેણે પોતાના સ્વરૂપને પકડી લીધું છે એટલે પોતાના આત્મામાં સ્થિરતા કરી રમણતા કરે છે. જ્ઞાનસાર-૨ // 193
