________________ અપેક્ષિત વિચારો લયબધ્ધ રીતે વ્યક્ત થાય છે. મેના મોર મેલ્યાં છે રમકડાં રમવા, ધમધમ ઘુઘરા બજાવે ત્રિશલા કિશોર, મારો લાડકડો વરરાજા ઘોડે બેસશે, મારો વીર કરશે સદા લીલાલ્હેર, વગેરે પંક્તિઓ બાલ્યાવસ્થાનું આકર્ષક ચિત્ર આલેખવામાં અમીવિજયની કવિત્વ શક્તિનું ઉદાહરણ બની રહે છે. માતા પોતાના લાડકવાયા પુત્ર માટેની મહત્ત્વાકાંક્ષા વ્યક્ત કરતી પંક્તિઓ જોઈએ તો - મારો નંદન જીવજો, ક્રોડા ક્રોડી વર્ષ, એ તો રાજરાજેશ્વર થાશે ભલો દીપડો, મારા મનના મનોરથ પુરશે જગીશ” ત્રિશલા રાણીની સખીઓ પણ એમની સાથે હાલરડું ગાય છે. માતાના મનના મનોરથ પૂર્ણ થશે. અંતે વીરકુંવર શાશ્વત પદવી પ્રાપ્ત કરશે એમ જણાવીને હાલરડું પૂર્ણ થાય છે. અમીવિજય અને દીપવિજયના હાલરડામાં ઘણું સામ્ય છે. વીરકુંવરની બાળક્રીડા, રમકડાંની સૂચિ, નિશાળે ભણવા મૂકવા, સુખલડી, લગ્નની વાત વગેરે બન્નેમાં જોવા મળે છે. દીપવિજયે ભગવાનના મેરૂપર્વત પરના જન્મમહોત્સવનો ઉલ્લેખ પાછળથી કર્યો છે. જ્યારે અમીવિજયે આરંભમાં તે દર્શાવીને પારણાની વિગત આપી છે. અમીવિજયે વીરકુંવરનું રેખાચિત્ર આપ્યું છે તે દીપવિજયમાં નથી. તેમાં વિરકુંવરની બાલ્યાવસ્થાનું લાક્ષણિક ચિત્ર અંક્તિ થયેલું છે. દીપવિજયે વિરકુંવરના પરિવારનો સંદર્ભ આપીને વિશાળ પરિવાર કુળનો મહિમા પણ દર્શાવ્યો છે. અમીવિજયની કલ્પના શક્તિ વિશેષ નોંધપાત્ર છે. દીપવિજય તો 33
