________________ કુંદનપુરમાં વરતે, ઘર ઘર મંગળમાળ અને રક્ત કમળ દલ પગલાં, કંચન વરણી કાયા'ની ઉપમા, “પ્રભુનું રૂપ જોઈને કામદેવ ભાન ભૂલ્યો'માં વ્યતિરેક, “પ્રભુનું મુખ જોઈને શરદની કાંતિ ઝાંખી થઈમાં વ્યતિરેક, “પ્રભુની કાંતિ જોઈ સૂર્ય પશ્ચિમમાં જઈ વસ્યોની માં પ્રતીપ અલંકાર વગેરેથી કવિની અભિવ્યક્તિ કલાત્મક બની છે. લલિત મંજુલપદાવલી માધુર્યગુણ યુક્ત છે. હાલરડાને અનુરૂપ માતૃવાત્સલ્ય, ઉત્સાહ, આર્શીવાદ અને પોતાના લાડલા બાળની ભવિષ્યની અનેરી આકાંક્ષાઓ વ્યક્ત કરતી આ રચના હાલરડાની વિવિધ રચનાઓમાં આકર્ષક બની રહે છે. વર્ણાનુપ્રાસની યોજનાથી પ્રાસાદિકતાની અનુભૂતિ થાય “ધર્મ ધુરંધર ધોરી રથ સીલાંગ ચલાવજો રે,” “તસ ઘર લીલા લચ્છી બાલ ગોપાલ વિસ્તાર”, દીધાં દાનમાન વાચક નાઠા રોગ” ફરકે ઘર ઘર તરીયા તોરણ ગુડીયોને ધજા રે' વધુ શુભ કોમળ નીરખી હરખે હૈયું માતાનું રે.” (8) શ્રી મહાવીર સ્વામીનું પારણું સાત કડીની આ રચનામાં ભગવાન મહાવીરના જીવનના પ્રસંગોનો મિતાક્ષરી પરિચય આપવામાં આવ્યો છે. પ્રથમ કડીમાં હાલરડાનો વિશિષ્ટ રણકાર સાંભળી શકાય છે. “સ્નેહે સ્નેહે હિંચોળું શ્રી ભગવાન, વીરને હાલો હાલો. હાલું વ્હાલું વીર, એક તારું નામ, વીરને હાલો હાલો.
