________________ ભાવપૂજા, સંઘયાત્રા, ઉપધાન, શલ્યત્યાગ, કુશીલનો સંગ ત્યાગ, પૌષધવ્રત, ગચ્છાચાર, વિષયક વિચારો વ્યક્ત થયા છે. વિશેષ માહિતીરૂપે કવિની હસ્તપ્રતનું લખાણ અત્રે આપવામાં આવ્યું છે. કવિની ભાષાશૈલી અને વિચારો જાણવાનું આ હસ્તપ્રત એક અધિકૃત સાધન છે. મુનિ જિનવિજયજીએ મહાનિશીથ સૂત્રના બોલની હસ્તપ્રતનું જૈન સાહિત્ય સંશોધક ભા-૩ સંપાદન કર્યું છે. મને કૈલાસસાગરસૂરિ જ્ઞાનમંદિરમાંથી મહાનિશીથ સૂત્રના બોલની હસ્તપ્રત પ્રાપ્ત થઈ તે ઉપરથી સમીક્ષા કરીને કૃતિને પ્રગટ કરવામાં આવી છે. ચૌમાસી વ્યાખ્યાનની પ્રતનાં શરૂઆતનાં ચાર પાન મળતાં નથી એટલે પાન નં. 5 થી પ્રતનું લખાણ શરૂ થયું છે. તે પ્રતની કેટલીક માહિતીની ટૂંકી સમીક્ષા આપીને મૂળ પાઠ પ્રગટ કરવામાં આવ્યો છે. તેરાપંથ ચર્ચાબોલની હસ્તપ્રત પ્રાપ્ત થઈ છે તેનું લખાણ પ્રગટ કરવામાં આવ્યું છે. તેની સમીક્ષામાં તેરાપંથ મતનો સંક્ષિપ્ત ઇતિહાસ રજૂ કર્યો છે તે ઉપરથી આ મતની વિચારધારાનો પરિચય થાય છે. ઉપરોક્ત ત્રણ હસ્તપ્રત દ્વારા કવિની ગદ્યશૈલી અને વિચારોનો ખ્યાલ આવે છે. વિરતિ ધર્મ અને શ્વેતાંબર મતની શાસ્ત્રીય માન્યતાને સમર્થન આપવાનો પ્રયાસ કર્યો છે. ગદ્ય રચનાઓ મધ્યકાલીન જૈન ગુજરાતી ગદ્યના વિકાસમાં ઐતિહાસિક મહત્વ ધરાવે છે. મહાનિશીથ સૂત્રના બોલની હસ્તપ્રતનું લખાણ આ સૂત્રનો સામાન્ય પરિચય આપે છે. તેમાં વિશેષ રૂપે તો પ્રાયશ્ચિત અને 287
