________________ માહિતીનો આધાર મળતો નથી. યતિ સમુદાય અને સંવેગી સાધુઓ વચ્ચે મતભેદ હતો તેને કારણે પણ આવા પ્રતિભાશાળી કવિ વિશે માત્ર કૃતિઓ સિવાય અન્ય બાબતોમાં અંધકાર જ રહેલો છે. મતભેદ અને મનભેદ એ વ્યવહાર અને સંયમ જીવનમાં પણ નિષ્પક્ષ રીતે વ્યક્તિના મૂલ્યાંકનમાં લોખંડી દિવાલ ઊભી કરે છે. અત્રે આ અંગે વિશેષ ન વિચારતાં એમની સાહિત્ય પ્રવૃત્તિઓની એક સૂચી વિવિધ પુસ્તકોના આધારે તૈયાર કરીને આપવામાં આવી છે. એટલે કવિની સર્જન શક્તિ ને વિપુલ સાહિત્યનો પરિચય પ્રાપ્ત થશે. - ઓગણીસમી સદીના ખ્યાતનામ કવિઓમાં ઉત્તમવિજય, પધ્ધવિજય, લક્ષ્મીસૂરિ, જિનલાભસૂરિ, ક્ષમા કલ્યાણગણિ, જ્ઞાન સારજી, પંડિત વીરવિજયજીની સાથે દીપવિજયનું નામ પણ નોંધાયેલું પ્રભુ પ્રત્યેની અનન્ય ભક્તિ, ગુરુ સેવા ને કૃપા, ચારિત્રનું પાલન, કર્તવ્ય પરાયણતા જેવા આદર્શોને ચરિતાર્થ કરી શ્રુતજ્ઞાન યજ્ઞમાં કવિએ જીવનનાં કિંમતી વર્ષો ઉજમાળ કરી ભવોભવનું ભાથું બાંધીને જિન શાસન પ્રેમીઓને જ્ઞાન, ભક્તિ અને સંયમ પ્રત્યેની અનન્ય પ્રેરણા પ્રદાન કરી છે તેનું શબ્દોમાં મૂલ્ય આંકી શકાય તેમ નથી. કવિરાજ દીપિવિજયની સાહિત્ય સૃષ્ટિ 1. રૂપિયાની સજઝાય સં. 1891 2. વડોદરાની ગઝલ સં. ૧૮૫ર ફા. સુ. 2 3. સુરત કી ગઝલ ગા. 103 સં. 1877 માગ. વદ. 2
