________________ તેમને ધાર્મિક કાવ્ય પ્રકારો સિવાયના પણ સાહિત્યિક ગેય પ્રકારો, નગરોની ગજલ વગેરે ઉપર પણ હાથ અજમાવ્યો છે, અને તેમાં તેઓ સફળ થયા આવી આવી પ્રાયઃ પ્રાપ્ય સમગ્ર રચનાનો સંગ્રહ પ્રો. કવિનભાઈ શાહ દ્વારા આપણને મળે છે તે ઘણા આનંદની વાત છે. આ સંગ્રહને હૃદયના ઉમળકાથી આવકારતાં આનંદનો અનુભવ થઈ રહ્યો છે. હવે એક જ પુસ્તકમાં કવિ બહાદુર શ્રી દીપવિજયજી મહારાજની બધી રચનાનો આસ્વાદ માણી શકાશે. પ્રો. કવિન શાહ એક ધર્મ શ્રદ્ધાળુ શ્રાવક છે. ઉપરાંત અભ્યાસમાં રૂચિ ધરાવનાર પ્રાધ્યાપક છે. રસકવિ - પંડિત શ્રી વીરવિજયજીના વિષયે મહાનિબંધ તેમને તૈયાર કર્યો છે. અને તેમાં તેમને પી.એચ.ડી.ની ઉપાધિ પ્રાપ્ત થઈ છે. આપણે ઇચ્છીએ કે તેઓ દ્વારા હજી આવા સંગ્રહો આપણને મળતા રહે અને તેથી એ કવિરતોની અદ્ભૂત રચનાઓ આપણને સુલભ બને. હજી ઘણાં જાણીતા અને ઓછા જાણીતા મધ્યકાલીન ગૂર્જર કવિઓ જેવા કે લટકાળા પંડિત મોહનવિજયજી, પંડિત જિનવિજયજી, પંડિત માનવિજયજી વગેરેના આવાજ સંગ્રહો પ્રકાશિત થાય તો ગૂર્જર સાહિત્ય સમૃદ્ધ બને અને તેમાં પ્રો. કવિન શાહ નિમિત્ત બને તેવી શુભેચ્છા-સહ - પ્રદ્યુમ્નસૂરિ હેમચંદ્રાચાર્ય જન્મભૂમિ ધંધુકા ફા.સુ. પૂર્ણિમા, વિ.સં. 2054
