________________ 12. જંબુકુમારની ગહુલી જંબુકુમાર પાંચસો સત્તાવીશના પરિવાર સાથે સુધર્માસ્વામી પાસે દીક્ષા અંગીકાર કરે છે. તે પ્રસંગનું કવિએ ગહુલીમાં વર્ણન કર્યું છે. જંબુકુમારની વૈરાગ્યભાવનાને વૈભવનું વર્ણન કરતી રાસફાગુ અને સક્ઝાય જેવી રચનાઓ પ્રચલિત છે. અહીં વર્ણન નથી પણ આ પ્રસંગનો સંક્ષિપ્ત ઉલ્લેખ થયો છે. ગહુલીના આરંભની પંક્તિ જંબુકમારના સંયમ જીવનની ભવ્ય ઝાંખી કરાવે છે. રાજગૃહી નયરી સમોસર્યા પાંચશે મુનિ પરિવાર, કેવળજ્ઞાન દિવાકરૂ શ્રી સોહમ ગણધર જંબુસ્વામીએ સુધર્માસ્વામીની વૈરાગ્યપૂર્ણ વાણી સાંભળી દીક્ષા લેવાનો દ્રઢ સંકલ્પ કર્યો. લગ્નની પ્રથમ રાત્રિએ એમને ત્યાં પ્રભવ ચોર જંબુકુમારના વૈભવથી આકર્ષાઈને ચોરી કરવા આવ્યો ત્યારે જંબુકુમાર પોતાની આઠ નવોઢાને દીક્ષા લેવા માટે પ્રભુનો પાવનકારી ઉપદેશ સમજાવતા હતા. પ્રભવ ચોર પણ આ ઉપદેશ સાંભળી પ્રતિબોધ પામ્યો અને ચોરી કરવાને બદલે પોતાના પાંચસો ચોર સાથીઓ સાથે દીક્ષા અંગીકાર કરી. જંબુકમાર અને એમનાં માતાપિતા, આઠ રાણીઓ અને એમનાં માતા પિતા અને પાંચ સો ચોર એમ પાંચસો સતાવીશ સાથે દીક્ષા અંગીકાર કરી. જંબુકુમારનો ત્યાગ આકર્ષક ને અનન્ય પ્રેરક છે. ત્યાગદ્વારા સંયમની આરાધના કરીને આત્માના શાશ્વત સુખની પ્રાપ્તિ થાય છે. તેવો સંદર્ભ આ ગહુલીનો છે. જંબુકુમારનું વૃત્તાંત પ્રચલિત હોવાથી પાંચસો 139
