________________ ગુરુમહિમા ઉપરાંત વ્યાખ્યાનના વિષયોને પણ આવરી લેવામાં આવે છે. પર્વના દિવસો - તહેવારો, ધાર્મિક મહોત્સવો - દીક્ષા, પ્રતિષ્ઠા યાત્રા વગેરેને પણ વિષય બનાવીને ગહુલીઓ રચાયેલી છે. દીપવિજય કવિરાજે પણ કેટલીક ગહુલીઓ રચી છે. તેનો પરિચય આપવામાં આપ્યો છે. 1. ભગવતી સૂત્રની ગહુલી . 45 આગમમાં 11 અંગ સૂત્રો છે. તેમાં પાંચમું વિવાહ પ્રજ્ઞપ્તિ છે. જેનું બીજું નામ ભગવતી સૂત્ર છે. વ્યાખ્યાનમાં ચાતુર્માસ દરમ્યાન ગુરુ પોતાના જ્ઞાન અને અભ્યાસ અનુસાર વ્યાખ્યાન માટે વિષયની પસંદગી કરે છે. એટલે ભગવતી સૂત્રનું વ્યાખ્યાનમાં વાંચન થાય તે દષ્ટિએ વિચારતાં આ ગહુલીમાં ભગવતી સૂત્રનો પરિચય અને મહિમા ગાવામાં આવ્યો છે. સાત કડીની ગહ્લીમાં કવિએ પ્રથમ ત્રણ કડીમાં ભગવતી સૂત્રનો ટૂંકો પરિચય, પછીની બે કડીમાં ગંગમુનિ અને સંગ્રામ સોનીનો દૃષ્ટાંત રૂપે ઉલ્લેખ, બાકીની બે કડીમાં ગુરુ મહિમા દર્શાવ્યો છે. ગહુલીની વિશેષતા છે કે તેની ધ્રુવપંકિત ભાવવાહી ને સમૂહમાં ગાઈ શકાય તેવી છે. પરિણામે ગહુલી સાંભળવાનો અનેરો લ્હાવો વ્યાખ્યાનમાં સૌ કૌઈને પ્રાપ્ત થાય છે. આરંભની પંક્તિ નીચે મુજબ “સહિયર સુણિયે રે ભગવતી સૂત્રની વાણી, પાતક હણીયે રે, આતમને હિત આણી” ભગવતી સૂત્રની વાણી ભવોદધિતારક, સમક્તિ દાયક, નરક નિગોદ ગતિ દૂર કરનારી અને સ્વર્ગની નિસરણી સમાન છે. 130
