________________ ધવલમાં જન્મોત્સવ ઉપરાંત તીર્થકર ભગવંતની દીક્ષા, કેવલજ્ઞાન અને નિર્વાણ કલ્યાણકના પ્રસંગોનું અલગ ઢાળમાં વર્ણન કરવામાં આવે છે. એક રીતે જોઈએ તો કેટલાક કવિઓએ પંચકલ્યાણક સ્તવનની રચનાઓ કરી છે. તેમાં વધાવા સમાન વસ્તુ નિરૂપણ - કરવામાં આવેલ છે. એટલે વધાવાને પંચ કલ્યાણક સ્તવન તરીકે સંજ્ઞા આપીએ તો કાંઈ વાંધો નથી. સ્નાત્રપૂજામાં માત્ર જન્મોત્સવ કેન્દ્રસ્થાને હોય છે. જયારે વધાવામાં જન્મોત્સવ ઉપરાંત પ્રભુનાં દીક્ષા, કેવળ અને નિર્વાણ કલ્યાણકનું પણ વર્ણન કરવામાં આવે છે. અત્રે દીપવિજય કૃત “મહાવીરસ્વામીના વધાવા”ની સમીક્ષા કરવામાં આવી છે. 6. - મહાવીર સ્વામીના પાંચ વધાવા જૈન સાહિત્યમાં દેશીઓનો વિપુલ પ્રમાણમાં પ્રયોગ થયો છે. કવિ દીપવિજયે મહાવીરસ્વામીના પાંચ વધાવાની રચના દેશી બંધમાં કરી છે. આ ચરિત્રાત્મક રચનાનો પરિચય નીચે મુજબ છે. કવિએ સરસ્વતી દેવીની સ્તુતિ કરીને પ્રભુનાં કલ્યાણકનો ઉલ્લેખ કર્યો છે. પ્રથમ વધાવામાં મહાવીરસ્વામીએ તીર્થકર નામ કર્મ ઉપાર્જન કર્યું અને 10 માં સ્વર્ગમાંથી આવીને માતાના ગર્ભમાં આવ્યા. માતાએ શુભ સ્વપ્રો જોયાં. સ્વપ્ર ફળથી પુત્રરતની પ્રાપ્તિ વગેરે વિગતોનો સમાવેશ થયેલો છે. 112
