________________ છ કડીના આ સ્તવનમાં પાર્શ્વનાથ ભગવાનના જન્મ કલ્યાણકની કેટલીક માહિતી આપી છે. આરંભની પંક્તિમાં જ કવિનો અદમ્ય ઉલ્લાસ-આનંદ વ્યક્ત થયેલો જોઈ શકાય છે. “ગાઉ ત્રેવીસમા જિનરાય, હાલાજીનું જન્મ કલ્યાણક ગાઉં રે” “સોના રૂપાને ફુલડે વધાવું હાલાજી. થાલ ભરી ભરી મોતીડે વધાવું વ્હાલાજી.” કવિએ ભગવાનના જન્મસ્થળ વારાણસી નગરી, અશ્વસેન પિતા, અને વામા માતાનો ઉલ્લેખ કરીને ચૈત્ર વદિ ચતુર્થીના દિવસે દેવલોકમાંથી ચ્યવીને વામા માતાના ગર્ભમાં આવી પોષ દશમીને દિવસે જન્મ્યા હતા તેની માહિતી આપી છે. ભગવાનના જન્મનો પ્રભાવ દર્શાવતાં કવિ કહે છે કે - નારકી નરકે સુખ પાવે રે, અંતર્મુહૂર્ત દુઃખ જાવે રે, એ તો જન્મ કલ્યાણક કહાવે. હાલાજી.” છેલ્લી કડીમાં ભગવાનતી વિશેષતા દર્શાવતાં ત્રણ ભુવન શિરતાજ અને તારણ તરણ જહાજ, જેવાં વિશેષણોનો પ્રયોગ કર્યો છે. આ સ્તવન એક ગીત કાવ્યના ઉદાહરણ રૂપ છે. તેની ધ્રુવ પંક્તિનો લય ગીત સાથે સાયુજય સાધીને ભક્તિસભર હર્ષોલ્લાસની ભાવના વાચકોના ચિત્તમાં ઉત્પન્ન કરવામાં નિમિત્તરૂપ બને છે. - સ્તવનનો રાગ “મલ્લિજિન નાથજી વ્રત લીજે રે” તે મુજબ છે. દેશીઓ ઉપરાંત પ્રચલિત સ્તવનના રાગનો પ્રયોગ સ્તવનમાં કરવામાં આવે છે. (9) 107
