________________
વયસ્થવિર (વયોવૃદ્ધ) અને સંયમસ્થવિર મારા શિષ્ય, મુનિ દેવવિજ્યજી મ. જે મારા સાથીદાર બન્યા હતાં તે, ૨૫ વર્ષ સુધા ચારિત્ર પર્યાયમાં રહીને ભિવંડી મુકામે કાલધર્મ પામ્યા, અને ભિવંડીમાં જ સાધુપદને પ્રાપ્ત મારા અન્ય શિષ્ય મુનિ ગૌતમવિજ્યજી જે મહાતપસ્વી હતાં તે અઢિ (૨૧૧) વર્ષના અન્તરે, ઘાટકોપર સાંધાણી એસ્ટેટના ઉપાશ્રયમાં કાલધર્મ પામ્યા, આ કારણે થોડી હતાશા થાય, તે સ્વાભાવિક છે. છતાં પૂ.ગુરુદેવની અને શાસનમાતાની કૃપાદષ્ટિથી, આસુધી પ્રત્યેક લેખન કાર્યમાં સફળ બન્યો છું.
અતિ આગ્રહ અને વિનંતીથી અંધેરી (ઇસ્ટ) - જૂના નાગરદાસ રોડ, શ્રી શંખેશ્વર પાર્શ્વનાથ જૈન સંઘ, વિક્રમ સં. ૨૦૪૮નું કરાવેલ ચાતુર્માસ હર્ષોલ્લાસપૂર્વક નાના મોટા આરાધક ભાઈ બહેનોના સહયોગથી આનન્દ સાથે પૂર્ણ થયું છે. તેમાં પણ જીવનપર્યન્ત સ્મૃતિમાં રહે તેવો આનન્દદાયી, વિશિષ્ટતમ પ્રશંસનીય, ૪૫ આગમોની આરાધનાનો મહોત્સવ થતાં, તે પવિત્ર સમયે જ શ્રી સંધે, આ પ્રસ્તુત પુસ્તક અંગે સુન્દરમાં સુન્દર આર્થિક લાભ લેવાનો નિર્ણય કરી મને કૃતકૃત્ય બનાવ્યો છે. તે માટે આ સંઘ ધન્યવાદ અને પ્રશંસાને પાત્ર છે.
લી. પં. પૂર્ણાનંદ
૧૪
