________________
તમે તો વર્ષોથી પાસે છો છતાં અસર કેમ નહિ ? કદાચ મારામાં જ ખામી હશે.
મૈત્રી ભાવની સિદ્ધિ થયેલી હોય તેને જોઈ વેરી પ્રાણી વેરભાવ ભૂલી જાય, ને તમે હજુ મૈત્રી કેળવી શકતા નથી, એટલે હું માનું છું : મારી સાધનામાં જ ખામી છે.
હમણા જે મહાત્માઓએ ઉદ્ગાર કાઢયા. એમણે કહેલા શબ્દો ફળો !
મારા હૃદયમાં તીર્થકર ભગવંત પ્રતિષ્ઠિત થાઓ.
સામાન્ય રીતે એકનું ગુણગાન થાય તો બીજાનું ગૌરવ હણાતું હોય તેમ બીજાને લાગે છે, છતાં અહીં બધા મહાત્માઓએ મન મૂકીને ગુણગાન કર્યા. મને પોતાને આશ્ચર્ય લાગે છે ઃ એવું આ કૃશકાયામાં શું જોયું?
ભગવાન આજે પણ છે, પણ ક્યાં છે? આવા આચાર્ય ભગવંત [દીક્ષા પર્યાયમાં કોઈ મારાથી મોટા પણ હશે.] આવા ઉદ્ગારો કાઢે ત્યારે મારે સમજવું પડે : જૈન-શાસન અદ્ભુત છે.
એકતાનું આ વાતાવરણ છુટા પડ્યા પછી પણ જવાનું નથી, ચાલુ જ રહેશે.
ભગવાન આજે પણ છે, પરંતુ કયાં છે ? એકેક ઘટમાં તે વસે છે, પણ આપણે જ સન્મુખ થતા નથી.
ભગવાનની આ મૂર્તિ માત્ર મૂર્તિ છે? આ નવકાર માત્ર અક્ષરો છે? આ તો સાક્ષાત્ સર્વજ્ઞ અને સર્વગ ભગવાન છે. એ ચતુર્વિધ સંઘમાં પણ ભગવાન કેમ ન હોય ? જોવાની આંખ હોય તો એકેક સભ્યમાં ભગવાન દેખાય.
આ દૃષ્ટિ ખીલવવા માટે તમે પ્રયત્નશીલ બનજો.
આ ધર્મશાળામાં અનેકોનો ભોગ છે. હવે એનો સદુપયોગ કેટલો સુંદર થઈ રહ્યો છે ? તે તમે જુઓ છો ને ?
લાભ લેનારને કેટલું પુણ્ય થયું તે દેખાય છે ને ?
આ ધર્મશાળાના નિર્માણમાં તમારું કાંઈ બાકી હોય તો દિલ ખોલીને આમાં સહયોગ આપજો.
૩૩૦
* * * * * * * * * * * * * કહે, કલાપૂર્ણસૂરિ-૩
