________________
७८ .
हरतणुए, जे छउमत्थेणं निग्गंथेण वा २ जाव पडिलेहियव्वे भवइ, से तं सिणेहसुहुमे ८ ॥२७३॥
वासावासं पज्जोसविए भिक्खु इच्छिज्जा गाहावइकुलं भत्ताए , वा पाणाए वा निक्खमित्तए वा पविसित्तए वा नो से कप्पइ अणापुच्छित्ता आयरियं वा उवज्झायं वा थेरं वा पवर्ति वा गणिं वा गणहरं वा गणावच्छेययं वा जंवा पुरओ कोउं विहरइ, कप्पइ से आपुच्छिउं आयरियं वा जाव जं वा पुरओ काउं विहरइ-इच्छामि णं भंते! तुब्भेहिं अब्भणुनाए समाणे गाहावइकुलं भत्ताए वा पाणाए वा निक्खमित्तए वा पविसित्तए वा, ते य से वियरेज्जा एवं से कप्पइ गाहावइकुलं भत्ताए वा जाव पविसित्तए वा, ते य से नो वियरेज्जा एवं से नो कप्पइ गाहावइकुलं भत्ताए वा पाणाए वा निक्खमित्तए वा पविसित्तए वा, से किमाहु भंते!? आयरिया पच्चवायं जाणंति ॥२७४॥ एवं विहारभूमि वा वियारभूमि वा अन्नं वा जं कि पि पओयणं, एवं गामाणुगाम दुइज्जित्तए ॥२७५॥
वासावासं पज्जोसविए भिक्खु य इच्छिज्जा अन्नयरिं विगई आहारित्तए नो से कप्पइ अणापुच्छित्ता आयरियं वा जाव गणावच्छेययं वा जं वा पुरओ कद्दु विहरइ, कप्पइ से आपुच्छित्ता णं तं चेव-इच्छामि णं भंते ! तुन्भेहिं अब्भणुनाए समाणे अन्नयरिं विगइं आहारित्तए, तं एवइयं वा एवतिक्खुत्तो वा, ते य से वियरेज्जा एवं से कप्पइ अन्नयरि विगइं आहारित्तए, ते य से नो वियरेज्जा एवं से नो
१जंच णं पु० छ॥२ कट्ट च-छ॥३ आपुच्छेत्ता ख-च॥ ४ जं च णे पु० छ॥५ कट्ट च-छ॥ ६ थेरा पच्च० थ। थेरा चेव पच्च० छ॥ ७ घासावासं० भिक्खु य इच्छेज्जा पहिया बियारभूमि वा विहारभूमि वा पवि०षा निकषा, पत्थ वि तहेव, थेरा चेव पच्चपातं माणति ॥२७५॥ वासावासं॥
