________________
गाणं जिणसंकासाणं सव्वक्खर जाव होत्था। पण्णरस सया ओहिनाणीणं, पन्नरस सया केवलनाणीणं, पनरस सया वेउब्बियाणं, दस सया विउलमतीणं, अट्ठ सया वाईणं, सोलस सया अणुत्तरोववाइयाणं, पन्नरस समणसया सिद्धा, तीसं अज्जियासयाई सिद्धाइं॥ १६६॥ अरहओ णं अरिट्ठदुविहा अंतकडभूमी होत्था, तं जहा-जुगंतफंडभूमी य परियायतकँडभूमी य, जाव अट्ठमाओ पुरिसजुगाओ जुगंतकैडभूमी दुवासपरियाए अंतमकासी ॥ १६७॥
तेणं कालेणं तेणं समएणं अरिहा अरिढ० तिन्नि वाससयाई कुमारवासमझे वसित्ता, चउप्पन्नं राइंदियाई छउमत्थपरियागं पाउणित्ता, देसूणाई सत्त वाससयाइं केवलिपरियागं पाउणित्ता, पडिपुन्नाइं सत्त वाससयाइं सामन्नपरियागं पाउणित्ता, एगं वाससहस्सं सव्वाउयं पालइत्ता खीणे वेयणिज्जाउयनामगोत्ते इमीसे ओसप्पिणीए दूसमसुसमाए समाए बहुवीइकंताए जे से गिम्हाणं चउत्थे मासे अट्ठमे पक्खे आसाढसुद्धे तस्स णं आसाढसुद्धस्स अट्ठमीपक्खेणं उप्पिं उज्जितसेलसिहरंसि पंचहि छत्तीसेहि अणगारसएहिं सद्धि मासिएणं भत्तेणं अपाणएणं चित्ताहिं नक्खतेणं जोगमुवागएणं पुव्वरत्तावरत्तकालसमयंसि नेसज्जिए कालगए जाव (ग्रं० ८००) सव्वदुक्खप्पहीणे ॥१६८॥ अरहओ णं अरिहनेमिस्स कालगयस्स जाव सव्वदुक्खप्पहीणस्सँ चउरासीइं वाससहस्साई विइकताई, पंचासीइमस्स य वाससहस्सस्स नव वाससयाइं विइकंताई, दसमस्स य वाससयस्त अयं असीइमे संवच्छरे काले गच्छद ॥ १६९॥
१० णाणं एवं बद्धमाणसामिगमतेण णायव्वं । पण्ण छ॥ २ रस अंतेवासिसया छ॥ ३-४-५ करभू० छ ॥ ६०भूमी, तिवास० क । भूमी दुवालसवास घ-च ॥ ७०म छट्टीप० घ ॥ ८ हरस्सपं० छ ॥ ९ स धुषसेणरज्जपरिवत्तिए पंचासीइवाससहस्साइं असीति च वासाइं विइकताई। ममिस्स छ ।
