________________
पुण एस भावे लोगच्छेरयभूए अणंताहि ओसप्पिणिउस्सप्पिणीहिं विइकंताहिं समुप्पजति, नामगोत्तस्स वा कम्मस्स अक्खीणस्स अवेइयस्स अणिजिन्नस्स उदएणं जन्नं अरहंता वा चकवट्टी वा बलदेवा वा वासुदेवा वा अंतकुलेसु वा पंतकुलेसु वा तुच्छकुलेसु वा किविणकुलेसु वा दरिद्द भिक्खागकुलेसु वा आयाइंसु वा ३, नो चेव णं जोणीजम्मणनिक्खमणेणं निक्खमिसु वा ३॥२२॥ अयं च णं समणे भयवं महावीरे जंबुद्दीवे दीवे भारहे वासे माहणकुंडग्गामे नयरे उसभदत्तस्स माहणस्स कोडालसगोत्तस्स भारियाए देवाणंदाए माहणीए जालंधरसगोताए कुच्छिसि गम्भत्ताए वकते॥२३॥ तं जीयमेयं तीयपच्चुप्पण्णमणागयाणं सक्काणं देविंदाणं देवराईणं अरहते भगवंते तहप्पगारेहितो वा अंत०पंत तुच्छ०किविण दरिद्द०वणीमग. जाव माहणकुलेहितो तहप्पगारेसु वा उग्गकुलेसु वा भोगकुलेसु वा राइन्न नाय०खत्तिय०इक्खाग०हरिवंस०अण्णयरेसु वा तहप्पगारेसु विसुद्धजातिकुलवंसेसु साहरावित्तए ॥२४॥ तं गच्छ णं तुम देवाणुप्पिया! समणं भगवं महावीरं माहणकुंडग्गामाओ नयराओ उसभदत्तस्स माहणस्स कोडालसगोतस्स भारियाए देवाणदाए माहणीए जालंधरसगोताए कुच्छीओ खत्तियकुंडग्गामे नयर नायाणं खत्तियाण सिद्धत्थस्स खतियस्स कासवसगोत्तस्स मारियाए तिसलाए खत्तियाणीए वासिट्ठसगोताए कुच्छिसि गम्भत्ताए साहराहि, साहरिता मम एयमाणत्तियं खिप्पमेव पञ्चप्पिगाहि ॥२५॥ तए णं से हरिणेगमेसी पोयत्ताणियाहिवई देवे सकेणं देविदेणं देवरना एवं वुत्ते. समाणे हटे जाव हयहियए करयल जाव ति कट्ट एवं जं देवो आणवेइ ति आणाए विणएणं वयणं पडि
१ अग्गाणिया० ग-छ॥
