________________
ઊહાપોહ મચે છે પરંતુ તેના ઉકેલરૂપે કોઈ વિકલ્પ સૂચવાતો ન હોવાથી વિરોધ વાંઝિયો રહી જાય છે. પળે પળે પલટાતી પરિસ્થિતિ છતાં શાસ્ત્ર સાપડેલ કોઈ નવી વિચારણા કરવા પણ આપણે તૈયાર નથી. જો બધા સંતો ભેગા મળશે તો અરસપરસ ચર્ચાથી, સૂઝ-બૂઝથી, પ્રેમ અકબંધ રાખી સમસ્યાઓના સમાધાનરૂપ વિકલ્પો રજૂ કરી શકશે અને તે આપણા માટે ઘણી મોટી ઉપલબ્ધિ હશે. આવનારા સમયમાં કેવા કેવા પ્રશ્નો આવશે, કેવી સમસ્યાઓ ઊભી થશે વગેરેનો દૂરંદેશીથી વિચાર કરી તેનો ઉકેલ કેવી રીતે લાવવો વગેરે માટે પણ બધાં ભેગા થાય તે જરૂરી જ નહિ અનિવાર્ય બન્યું છે.
ચર્તુવિધ સંઘના દરેક સભ્ય ચાહે સંત હોય કે સતીજી, શ્રાવક હોય કે શ્રાવિકા એક જ વિચારણાને નજર સમક્ષ લાવી કાર્ય કરે કે મારા શિરે મારા એકની જવાબદારી નથી પણ અનેક આત્માઓના ભાવપ્રાણીની રક્ષા કરવાની જવાબદારી પણ છે ત્યારે મારી એકપણ પ્રવૃત્તિ એવી ન હોવી જોઈએ જેનાથી આત્માનું, શાસનનું કે સમાજનું અહિત થાય, જિનાજ્ઞાનું ઉલ્લંઘન થાય. બસ, એકવાર આ વાત હૃદયમાં ગોઠવાઈ જશે પછી જેનશાસનના ધ્વજને આખા વિશ્વમાં લહેરાતો કોઈ નહિ રોકી શકે. જાગો! ચર્તુવિધ સંઘ જાગો!
(જ્ઞાનધારા ૬-૭
૧૫
નિસાહિત્ય જ્ઞાનસત્ર ૬-
