________________
'વિહરમાન ભગવાનના કલ્યાણકો
* ૨૦ વિહરમાન ભગવાનના ૫ કલ્યાણકો છે મનુષ્યક્ષેત્રના પાંચ મહાવિદેહક્ષેત્રોમાં દરેકમાં હાલ ૪-૪ તીર્થંકરભગવંતો વિચરી રહ્યા છે. આમ હાલ પાંચ મહાવિદેહક્ષેત્રોમાં કુલ ૨૦ તીર્થકર ભગવંતો વિચરી રહ્યા છે. આ વીસે તીર્થંકરભગવંતોના પાંચે કલ્યાણકો એકસાથે જ થાય છે. તેમના ચ્યવનકલ્યાણક, જન્મકલ્યાણક, દીક્ષાકલ્યાણક અને કેવળજ્ઞાનકલ્યાણક – આ ચાર કલ્યાણકો થઈ ગયા છે. તેમનું નિર્વાણકલ્યાણક ભવિષ્યમાં થવાનું છે. આ ર૦ વિહરમાન તીર્થકર ભગવંતોના ૫ કલ્યાણકોની તિથિઓ નીચે મુજબ છે -
(૧) ચ્યવનકલ્યાણક - અષાઢ વદ ૧ (૨) જન્મકલ્યાણક - ચૈત્ર વદ ૧૦ (૩) દીક્ષા કલ્યાણક – ફાગણ સુદ ૩ (૪) કેવળજ્ઞાનકલ્યાણક - ચૈત્ર સુદ ૧૩ (૫) નિર્વાણકલ્યાણક - શ્રાવણ સુદ ૩
*
*
*
*
*
હે શરણાગતવત્સલ ! જેમ ભિખારીને ઘણા કાળે ધન મળે અને આનંદ થાય તેમ ઘણા કાળે આપના દર્શન પામીને અમને આનંદ થાય છે.
હે તરણતારણજહાજ ! જેમ ઊંચા વાદળોને જોઈને જીવોનો તાપ દૂર થાય છે અને તેઓ આનંદ પામે છે, તેમ આપને જોઈને જીવોનો સંતાપ દૂર થાય છે અને તેઓ આનંદ પામે છે.
હે પરોપકારવ્યસની! જેમ વસંત આવવાથી વૃક્ષોની શોભા નવી થઈ જાય છે તેમ આપના દર્શનથી જીવોના દેદાર બદલાઈ જાય છે.
હે નિષ્કારણબંધુ ! મારા જીવનમાં જેટલા દિવસો આપના દર્શનથી પવિત્ર થયા તેટલા દિવસો જ સાચા દિવસો છે, બાકીના દિવસો તો કૃષ્ણપક્ષની રાત્રી જેવા છે.
...૫૩...
