Page Text
________________
(૧૭) પ્રભુની વાણી સાકર અને દ્રાક્ષ કરતા પણ વધુ મીઠી હોય છે. (૧૮) પ્રભુની દેશના જો સતત ચાલે તો સાંભળનારને છ મહિના સુધી
ભૂખ-તરસ ન લાગે એવી મીઠી અને મધુરી પ્રભુની વાણી હોય છે. (૧૯) પ્રભુની વાણી ૩૫ ગુણોવાળી હોય છે. (જુઓ પરિશિષ્ટ-૨) (૨૦) પ્રભુ દેશનામાં સંસારની અસારતા સમજાવે છે. (૨૧) પ્રભુની વૈરાગ્યનીતરતી દેશના સાંભળીને કેટલાય ભવ્યાત્માઓ ચારિત્ર
લઈને સાધુ અને સાધ્વી બને છે. બીજા કેટલાય ભવ્યાત્માઓ શ્રાવક અને શ્રાવિકા બને છે. બીજા કેટલાય ભવ્યાત્માઓ સમ્યગ્દર્શન પામે
છે. આમ ત્યારે ચતુર્વિધ સંઘની સ્થાપના થાય છે. (૨૨) પ્રભુના મુખ્ય શિષ્યોને ગણધર કહેવાય છે. તેમને ગણધર નામકર્મનો
ઉદય થાય છે. પ્રભુ તેમને “ઉપૂઈ વા વિગમેઈ વા ધુવેઈ વા' એ ત્રિપદી આપે છે. બધા ગણધરો ત્રિપદીને અનુસારે માત્ર અંતર્મુહૂર્તમાં દ્વાદશાંગીની રચના કરે છે. ઈન્દ્ર દિવ્યચૂર્ણ ભરેલ થાળને લઈને ઉપસ્થિત થાય છે. પ્રભુ સિંહાસન પરથી ઊભા થાય છે. પ્રભુ તે થાળમાંથી ચૂર્ણ લઈને ગણધરોના મસ્તક ઉપર નાખે છે અને તેમને દ્રવ્ય-ગુણ-પર્યાયથી તીર્થની અનુજ્ઞા આપે છે અને ગણની અનુજ્ઞા પણ આપે છે. પ્રભુના હાથે મસ્તક પર ચૂર્ણ પડવાથી ગણધરોની દ્વાદશાંગી પ્રમાણભૂત બને છે. ત્યારે દેવો દુંદુભિ વગાડે છે. દેવો-દેવીઓ-મનુષ્યો-સ્ત્રીઓ ગણધરોના મસ્તક પર વાસક્ષેપ
કરે છે. પ્રભુ સિંહાસન પર બેસીને ગણધરોને હિતશિક્ષા આપે છે. (૨૩) પહેલો પ્રહર પૂરો થાય છે ત્યારે નગરનો રાજા વાજતે-ગાજતે બલિ
લઈને સમવસરણમાં પ્રવેશે છે. દુર્બળ સ્ત્રીએ ખાંડેલા, એક આઢક પ્રમાણ, ઉત્તમ પ્રકારના કલમશાલી ચોખાથી બલિ બને છે. સમવસરણમાં બલિ પ્રવેશે એટલે પ્રભુ પોતાની દેશના પૂર્ણ કરે છે. નગરનો રાજા તે બલિ સાથે પ્રભુને પ્રદક્ષિણા આપે છે. પછી તે રાજા તે બલિને આકાશમાં ઉછાળે છે. તે બલિ ભૂમિ ઉપર પડે તે પહેલા તેમાંથી અડધો ભાગ દેવો લઈ લે છે. ભૂમિ પર
...૪૧...
| SR No. | 032489 |
| Book Title | Kalyanak Mahima |
| Original Sutra Author | N/A |
| Author | Ratnabodhivijay |
| Publisher | Ramjibhai Veljibhai Gala |
| Publication Year | 2018 |
| Total Pages | 82 |
| Language | Gujarati |
| Classification | Book_Gujarati |
| File Size | 6 MB |