________________
(૧૩) પહેલા ગઢના પૂર્વ, દક્ષિણ, પશ્ચિમ અને ઉત્તર દ્વારોએ ક્રમશઃ તુંબરૂ
દેવ, ખટ્વાંગી દેવ, કપાલી દેવ અને જટામુકુટધારી દેવ દ્વારપાળ
તરીકે ઊભા હોય છે. (૧૪) બીજા ગઢમાં પૂર્વ, દક્ષિણ, પશ્ચિમ અને ઉત્તર દ્વારોએ ક્રમશઃ બે
જયાદેવી, બે વિજયાદેવી, બે અજિતાદેવી અને બે અપરાજિતાદેવી
દ્વારપાલિકા હોય છે. (૧૫) ત્રીજા ગઢમાં પૂર્વ, દક્ષિણ, પશ્ચિમ અને ઉત્તર દ્વારોએ ક્રમશઃ સોમ
નામના બે વૈમાનિકદેવો, યમ નામના બે વ્યન્તરદેવો, વરુણ નામના
બે જ્યોતિષદેવો અને કુબેર નામના બે ભવનપતિદેવો દ્વારપાળ હોય છે. (૧૬) સમવસરણની મધ્યમાં ત્રીજા ગઢમાં વ્યન્તરદેવો દૈત્યવૃક્ષ બનાવે છે. (૧૭) તેની નીચે વિવિધરત્નોની પીઠ બનાવે છે. (૧૮) તેની ઉપર મણિનો દેવછન્દો બનાવે છે. (૧૯) તેની ઉપર પૂર્વદિશામાં પાદપીઠ સહિત રત્નનું સિંહાસન બનાવે છે. (૨૦) તે સિંહાસનની ઉપર તેઓ ત્રણ છત્ર બનાવે છે. (૨૧) સિંહાસનની બન્ને બાજુ એક-એક દેવ ચામર ધારણ કરે છે. (રર) સમવસરણના દ્વારે દેવો સોનાના કમળમાં ધર્મચક્રની સ્થાપના કરે છે. (૨૩) સમવસરણનું બીજું જે પણ કાર્ય હોય તે વ્યન્તરો કરે છે. (૨૪) સમવસરણ ચોરસ કે ગોળ હોય છે. (૨૫) સમવસરણ ભૂમિથી અદ્ધર હોય છે. (ર૬). સમવસરણના ૨૦,૦૦૦ પગથિયા હોય છે. ભૂમિથી પહેલા ગઢ
સુધી ૧૦,૦૦૦ પગથિયા હોય છે. પહેલા ગઢથી બીજા ગઢ સુધી ૫,૦૦૦ પગથિયા હોય છે. બીજા ગઢથી ત્રીજા ગઢ સુધી પ,૦૦૦ પગથિયા હોય છે. આ પગથિયા ૧ હાથ ઊંચા અને ૧ હાથ પહોળા હોય છે. આમ પ્રભુના સમવસરણનું નિર્માણ થાય છે.
...૩૮...
